Saudiya Arabistoni cho‘lda dunyodagi eng katta bog‘ni qurishni boshladi

Saudiya Arabistoni jadal sur’atlar bilan haroratni nazorat qiluvchi dunyodagi eng katta botanika bog‘ini qurishni boshladi.

Ma’lumotlarga ko‘ra, unda butun Yer yuzidagi 1750 dan ortiq o‘simlik turlari bo‘ladi.

Qirol Abdulla xalqaro bog‘lari deb nomlangan loyiha yarim oy shaklidagi ikkita binodan iborat bo‘lib, umumiy maydoni ikki million kvadrat metrni tashkil etadi.

Bog‘larda butun dunyodan 1750 dan ortiq o‘simlik turlari namoyish etiladi (jami tashkilotchilar u erda 500 000 dan ortiq o‘simliklarni joylashtirishni rejalashtirmoqda), shuningdek, Botanika muzeyi bo‘lib, u erda tashrif buyuruvchilar o‘simliklarning devon davridan hozirgi davrgacha bo‘lgan evolyusiyasi haqida ma’lumot olishlari mumkin.

Hozir bog‘ning tayyorgarligi 40 foizga baholanmoqda. Uning ochilishi 2024 yilning kuziga rejalashtirilgan.