Shahzoda ijodi avjida. Yangi albom, klip va qo'shiq!


Бугунги кунда Шаҳзода жаҳон андозаларига мос тарзда ижод қилаётган ягона ўзбек хонандаси саналади. У иш режасини аниқ тузади ва унга пунктуал ёндошади. Қойил қоларлиси, оилага ҳам, саёҳатга ҳам, ижодга ҳам бирдек улгуради. Унинг рейтинги неча йилларки юқори поғонада туриб келаётганининг ҳам сири шунда бўлса керак: интилиш ва улгуриш! Хонанда эксклюзив янгиликлари билан биринчи бизнинг сайтимиз орқали бўлишди. Шаҳзоданинг 2015-йил яккахон концертига бора олмаган мухлислари учун ажойиб янгилик. Шов-шувли концерт видеоси сентябр ойида сотувга чиқарилади. Хабарингиз бор, Шаҳзоданинг қўшиқлари Европа мусиқий чартларидан ҳам ўрин олган. Бунга асосий сабаб унинг хорижий ҳамкасблари билан ижодий ҳамкорлигидир. "Аксент” гуруҳи хонанда учун ёзган икки қўшиғи "Al along” ва "Mon cheri” дунё мусиқа ихлосмандлари орасида хитга айланди. (Малдивия пойтахти Мале шаҳрида ҳам ўзбек юлдузининг "Al along” хити жаранг сочганига шахсан гувоҳ бўлганман!) Энди эса Европанинг машҳур гуруҳи – "Аксент” ва Шаҳзода дуэт куйлади. Тез кунда ушбу дуэтга шов-шувли клип суратга олинади! Бундан ҳам шов-шувлиси, яна бир янги дуэт! Шаҳзода янги хорижий дуэтдоши ва бу тарона ҳақида ҳозирча сир тутишни лозим топди. Бу ҳали ҳаммаси эмас. Тиниб-тинчимас хонанда ўзбек тилидаги янги альбомини ҳам ёзишга киришган. Демак, олтин кузга олтин хит билан! Шаҳзода, мана шундай ижодкорана фидойилик сизни тарк этмасин! Олға!

Jasur Hamrayev

Комментарии (2) | Добавить: 01.08.2015
2. Skilful (01.08.2015 19:24)
Ishlarida omad man Shahzodani ashadddddiiiiy muhlisiman!!!
1. MANKENT (01.08.2015 19:24)
Omad Shahzoda kutamiz albatta
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]