SHAKIRANI YIGITI O'GILLI BO'LGANINI RAD ETDI

03.01.2013

3696

28 декабрга ўтар кечаси ўз твиттерида ўғилли бўлгани ҳақида хабар берган Шакиранинг йигити футболчи Жерар Пике яна шу микроблогида ушбу янгиликни рад этди. Маълум бўлишича, у Испания ва Лотин Америкасида кенг нишонланадиган Соддадиллар куни муносабати билан ҳазиллашган экан, дея хабар беради bfmtv.com. Бола туғилгани ҳақидаги маълумотни Шакиранинг расмий вакили ҳам рад этди.

Пике тўнғичи туғилгани ҳақидаги хабарни тунда қолдирган, эрталаб эса кўпгина ОАВ ўғил туғилгани ҳақидаги хабарни тарқатиб бўлганди. Шу куни "Барселона” ҳимоячиси янги хабарни қолдиради, унда футболчи ҳаммани Соддадиллар куни билан табриклайди.

"Биз унга исм ҳам бердик! Унинг исми Inocencio, яъни Иннокентий. Бу Dia de los Santos Inocentes, ("Чақалоқларни уриш куни”)дан олинган бўлиб, бу байрам испан тилида гаплашувчи мамлакатларда 1 апрель кунининг аналоги ҳисобланади. Ҳаммани Соддадиллар куни билан табриклайман!", - деб ёзади спортчи. Шакира эса бу ҳазилга изоҳ бергани йўқ.

Ҳомиладорлиги ҳақида 2012 йил кузида маълум қилган Шакира 2013 йил бошида фарзандли бўлиши кутилмоқда.