Shavkat Mirziyoyev sog'liqni saqlash sohasida uch viloyatga 2 oylik tajriba muddati belgiladi

Ma`lumki, 5 yanvar kuni O'zbekiston Prezidenti Shavkat Mirziyoyev Sog'liqni saqlash vazirligining yangi rahbariyati, markazlar rahbarlari hamda viloyat sog'liqni saqlash boshqarma boshliqlari va boshqa bir qator mutasaddilar bilan uchrashdi. Unda bugungi kunda tibbiyot sohasi oldida turgan kamchiliklar va muammolar xususida so'z yuritildi. Davlatimiz rahbari tibbiyot sohasining aynan qaysi yo'nalishlari oqsayotganini aniq va ravshan ko'rsatib o'tdi. Shular qatorida ixtisoslashgan tibbiy yordam tizimiga alohida e`tibor qaratildi. 

"Ixtisoslashgan tibbiy yordam tizimida o'z yechimini kutayotgan muammolar mavjud. Bu borada qator ishlar qilindi, lekin "Tizimning bugungi kundagi faoliyati talabga javob beradimi?" degan savol paydo bo'ladi. Ming afsuski, yo'q! Masalan, qishloq aholisining operatsiya amaliyotlarining 90 foizi Toshkent shahrida o'tkazilmoqda. Bu noto'g'ri! Uzoq viloyatlardan Toshkentga yetib kelguncha qancha xarajat ketadi?! Bu borada tizimli taqvimlardan foydalanish kerak, ya`ni mutaxassislar navbatma-navbat kelib, operatsiyalarni o'sha yerlarda amalga oshirishlari kerak. Ixtisoslashgan tibbiy markazlar faoliyatini tanqidiy o'rganib chiqish zarur", - deya ta`kidladi Sh. Mirziyoyev.

Shuningdek davlat rahbari joylarda o'z yo'nalishlari bo'yicha uslubiy yordamlar ko'rsatilmayotgani, mutaxassislar malakasi oshirilmayotganiga diqqatni qaratdi. Ixtisoslashgan markazlarni chekka hududlarda yashovchi aholiga yaqinlashtirish ko'lamini oshirish maqsadga muvofiqligi qayd etildi. Shu o'rinda ixtisoslashgan markazlar strategiyasi va taktikasi tanqid ostiga olindi. 

"Ushbu markazlar aholiga to'liq malakali xizmat ko'rsatmagani tufayli yiliga 40 mingdan ziyod fuqarolarimiz tibbiy yordam uchun chet davlatlarga chiqishga majbur bo'lmoqda. O'zingiz o'ylang - 40 ming odamni qancha puli ketyapti? Nima uchun Rossiyadagi katta klinikalar mutaxassislari bu yerga olib kelinib, operatsiyalar shu yerda bajarilmaydi yoki Hindiston bilan hamkorlikda qo'shma markaz ochilmaydi? Shuning uchun Adham Ilhomovich (Sog'liqni saqlash vazirligining yangi rahbari), birinchidan, 50 nafar xorijdagi O'zbekiston shifokorini olib kelasiz va ikkinchidan, har bir davlat - Koreya, Hindiston, Rossiya bilan hamkorlikda Toshkent, Namangan, Farg'ona va Andijonda yo'nalishlar bo'yicha qo'shma klinikalar ochishni tashkillashtirasiz. O'zbekistondan tashqaridagi shifokorlar qaytganda kerakli hamma sharoitlarni yaratib beramiz. Har bir markazdan 10 kishi, boringki 20 kishidan xorijga o'qishga yuborasiz, u yerdagi yo'nalishlar bilan tanishishsin. Biz yangi texnologiyalarni olib keldik, lekin ularda kim ishlaydi?", - dedi davlatimiz rahbari. 

Bu borada yana bir muhim masala: oxirgi 5 yilda yurak-qon tomir kasalliklariga chalinish - 25 foizga, asab kasalliklari  - 14 foizga, onkologik kasalliklar - 2,5-3 foizga oshganligi qayd etildi. Yuqori texnologik operatsiyalarning faqatgina 23 foizi viloyat miqyosida ko'rsatilgani, qolgani esa Respublika markazida bajarilayotgani ta`kidlandi. Biroq bu sohadagi muammolarning oldini olish bo'yicha deyarli hech qanday ishlar amalga oshirilmayotgani afsus bilan qayd etildi. 

"Buning uchun zamonaviy talablarga javob beradigan onkologiya, neyroxirurgiya, travmatologiya va ortopediya sohalarida ixtisoslashgan markazlarning hududlarda bosqichma-bosqich kardioxirurgiya xizmatini rivojlantirish, tuman va shaharlarda lor va oftolmologiya, kardiologiya, nevrologiya, endikrinologiya kabi ixtisoslashgan bo'limlarni tashkil etish masalasini ko'rib chiqish vaqti keldi", - dedi davlatimiz rahbari. 

Bundan tashqari, shifokorlar bilan ta`minlash darajasi past saqlanib turgan viloyatlar ulushi ko'payib borayotganligi aytildi. 

"Masalan, 10 ming aholiga nisbatan eng past ko'rsatkichlar Jizzax, Surxondaryo, Qashqadaryo, Namangan va Toshkent viloyatlarida tibbiy yordam sifatiga salbiy ta`sir etmoqda. Respublika bo'yicha ajratilgan 92 ming shtat birligidan 10 400 tasi vakant bo'lib qolmoqda. Bular - anesteziolog, rentgenolog, psixiatr, pediatr, laborant, shifokor mutaxassisliklaridir. Bularning bari tibbiy kadrlarni tayyorlash va qayta tayyorlash tizimi ham kamchiliklar va o'z yechimini kutayotgan muammolar mavjudligidandir.

Tibbiyot kadrlari yetishmovchiligi muammosini bartaraf etish, sifat darajasini ko'tarish maqsadida alohida dastur ishlab chiqarish zarurligi ta`kidlandi va bunda quyidagi masalalarga e`tibor qaratish lozimligi aytildi: 

- bakalavriat bosqichida o'qish muddatini 7 yildan 6 yilga qisqartirish; 
- yangi malaka va talablar, o'quv rejasi dasturlarini joriy etish; 
- tibbiyot oliy ta`lim muassasalari uchun o'quv rejadagi ijtimoiy-iqtisodiy, gumanitar blokdagi ajratilgan soatlar, umumiy o'quv yuklamalarini optimallashtirish;
- tibbiyot oliy ta`lim muassasalarida yangi pedagogik texnologiyalarni qo'llash asosida ta`lim sifatini yaxshilash; 
- amaliy ko'nikmalarni to'laqonli o'zlashtirishda talabalarga shart-sharoit yaratish;
- oliy ta`lim muassasalarining moddiy-texnik bazasini mustahkamlash".

Shu o'rinda tibbiy oliy ta`lim muassasalarida amaliyotga alohida e`tibor qaratish lozimligi ta`kidlandi. 

Bundan tashqari, Tibbiyot akademiyasini bitirganlar viloyatlarga borib ishlamayotganiga e`tibor qaratish talab qilindi. 

Aholini dori vositalari bilan talab darajasida ta`minlash bo'yicha qator muammo va kamchiliklarga ishora qilindi. 

"Bugungi kunda farmatsevtika bozorining 75 foizini import dori vositalari tashkil etmoqda. Respublikamizda ishlab chiqarilayotgan dori vositalari aholi ehtiyojini umuman qoplamayapti. Dorixonalar qo'yilgan talablarga javob bermaydi. Ularda sotilayotgan bir xil nomdagi dori vositalari narxi 2-3 barobar farq qiladi, lekin vazirlik bunga hech qanday chora ko'rmaydi", - dedi davlatimiz rahbari. 

Shuningdek bir qator tibbiyot mutasaddilarining fikr-mulohazalari va takliflari tinglandi. Shavkat Mirziyoyev bundan keyin Toshkent, Sirdaryo va Jizzax viloyatlari ikki oylik tajribaga o'tishini ma`lum qildi. Boshqa viloyatlarda ham bu borada ishlar olib borilishi, lekin shu uch viloyatda vaziyat juda yomonligi aytildi. 

"To'g'ri, ko'p ish qilindi, lekin endi muhtaram Islom Abdug'aniyevichning 25 yillik islohotlarini xalqqa yetkazish va manfaatdorlik hamda natijaviylik yuzasidan mutlaqo yangi tizim yaratamiz. Odamlar bizdan juda ko'p narsani, adolatli tibbiy xizmat yetkazishni kutyapti. Sizlarning burch va mas`uliyatingiz boshqa soha mutaxassislariga qaraganda o'n karra yuqoriroq. Men sizlarning madaniyatingiz, vatanparvarligingiz, qasamyodingizga sodiq ekanligingizga umid qilaman", - deya o'z so'zlariga yakun yasadi Sh. Mirziyoyev.

Manba: kun.uz


Комментарии (0) | Добавить: 10.01.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Farhon va Shirin ijrosida yangi qo'shiq "Gulim Mani"
O'zbekistonda Ramazon hayiti namozi ado etildi
BAA prezidenti 2014 yildan beri birinchi marta omma oldida ko'rinish berdi
Rossiyada ishlashni istovchilar Toshkentda pullik imtihon topshirishlari mumkin
Zarina Nizomiddinovadan yangi Fotosessiya - 2017
Uzoq masofadan o'q uzish bo'yicha rekord yangilandi
Olimlar tavsiyasi: "Yozda vitaminlar iste`molida ehtiyot bo'ling"
Samsung tarixidagi eng qimmat flagman taqdimotiga oz qoldi
Jenifer Lopez katta ekranlarga qaytmoqda
Sobiq er yuzlab odamlar oldida xotinini chavaqlab tashladi
Google'da bo'sh ish o'rinlarini izlash funksiyasi ishga tushdi
Farg‘ona viloyatida ayol erini yog‘och bo‘lagi bilan o‘ldirib qo‘ydi
Messi «Barselona» akademiyasida to'p tepib yurgan paytlar (video)
Putin va Tramp musulmonlarni Ramazon hayiti bilan qutlashdi
Erdo'g'an Hayit namozi vaqtida hushidan ketdi
Jahonning eng yaxshi futbolchilaridan biri Lionel Messi 30 yoshga qadam qo‘ydi
Qarilikdagi aqli zaiflik xavfini kamaytirishning 6 usuli
Smartfonlar sinovi: Mikroto'lqinli pechdan qaysi smartfon omon chiqdi?
«O'zbekkonsert» xonandalarning Youtube’dagi bachkana kliplarini oldirmoqda
Qozog‘iston mobil internet tezligi bo‘yicha AQShdan o‘zib ketdi
Jek Ma: 30 yildan so‘ng odamlar kuniga 4 soatdan ishlaydi
Ronaldu qaysi jamoaga o'tmoqchi ekanini ma`lum qildi
Uzoq yillik tanaffusdan so‘ng Obid Asomov televideniyeda efirga chiqadi
Nima uchun ishdagi jismoniy harakatlar sport mashg‘ulotlarining o‘rnini bosa olmaydi?
Og‘izdagi sarimsoq hidini qanday yo‘qotish mumkin?
Poliz zararkunandalaridan qanday saqlanish kerak? 3 ta sinalgan usul
Vazelinning siz bilmagan xususiyatlari
Iqlimshunoslar: insoniyat halokatli darajadagi issiq ob-havo bilan to'qnashadi
20 iyun O'zbekistonda havo harorati yuqori bo'ladi
Sardor Rahimxondan super xit premyera - "Onam"