Shavkat Mirziyoyevning Tojikistonga tashrifi sanasiga aniqlik kiritildi

O'zbekiston Respublikasi prezidenti Shavkat Mirziyoyev 9-10 mart kunlari Tojikistonga tashrifini amalga oshiradi.

«Aziya-Plyus» agentligi ma`lumotiga ko'ra, Shavkat Mirziyoyevning davlat rahbari sifatida Dushanbega bo'ladigan ilk tashrifi vaqtida unga Tojikiston milliy universiteti fan doktori faxriy unvoni beriladi. Prezident universitet professor-o'qituvchilari hamda talabalar bilan uchrashadi.

Bungacha ushbu universitet fan doktori faxriy unvoni Afg'onistonning sobiq prezidenti Burhoniddin Rabboniy, shuningdek, Qozog'iston hamda Ozarboyjonning amaldagi prezidentlari Nursulton Nazarboyev va Ilhom Aliyevga ham berilgan.

O'zbekiston prezidentining qo'shni davlatga tashrifi oldidan, 24 fevral kuni Farg'onada O'zbekiston — Tojikiston hukumatlararo komissiyasining navbatdagi majlisi bo'lib o'tdi. Unda O'zbekiston bosh vaziri Abdulla Aripov hamda Tojikiston bosh vaziri Qohir Rasulzoda ishtirok etdi.

Mazkur komissiyaning majlisi amaliy ruhda bo'lib o'tdi. Unda ko'plab masalalar muhokama qilindi. O'zbekiston — Tojikiston davlat chegaralarini delimitatsiya va demarkatsiya qilish bo'yicha O'zbekiston va Tojikiston hukumat delegatsiyalari ishchi guruhlari tomonidan bir qator hujjatlar tayyorlandi. Uchrashuv yakunlari bo'yicha qo'shma bayonnoma imzolandi.

Shavkat Mirziyoyev va Emomali Rahmon uchrashuvidan eng ko'p kutilayotgan voqea O'zbekiston va Tojikiston o'rtasida viza rejimi bekor qilinishidir.

2017 yilning noyabrida O'zbekiston Respublikasi Bosh vaziri Abdulla Aripovning Dushanbega tashrifi davomida O'zbekiston va Tojikiston davlat chegaralari bilan bog'liq ko'plab masalalar bo'yicha, xususan, viza rejimini bekor qilish bo'yicha kelishib olingandi. 

O'tgan haftada hukumati Tojikiston bilan chegara bo'ylab joylashgan 9ta nazorat-o'tkazish punkti ishini tiklash haqidagi qarorni tasdiqladi. Shundan bittasi temir yo'lda, 8tasi avtomobil yo'lida.

Endilikda, Samarqand viloyatidagi «Jartepa», Jizzax viloyatidagi «Kushkent» va «Uchqo'rg'on», Sirdaryo viloyatidagi «Xovosobod», Toshkent viloyatidagi «Bekobod», Namangan viloyatidagi «Pop», Farg'ona viloyatidagi «Ravot», Surxondaryo viloyatidagi «Gulbahor» (temir yo'l) nazorat-o'tkazish punktlari, shuningdek, Samarqand viloyati Urgut tumani hududidagi chegara posti ochilishi kutilmoqda.

Keyingi 8 yilda ikki qo'shni davlat o'rtasida faqat ikkita nazorat-o'tkazish punkti faoliyat olib bordi - «Tursunzoda-Sariosiyo» va «Fotihobod-Oybek». Holbuki, chegara bo'ylab jamia 16ta nazorat-o'tkazish punkti mavjud.

1991 yilda mustaqillikka erishgan bu ikki mamlakat o'rtasidagi munosabatlar 1992 yilda Tojikistonda fuqarolik urushi boshlangach yomonlashgandi. 1992 yili ikki mamlakat o'rtasida aviaqatnovlar bekor qilingan, 2001 yili o'zaro viza rejimi joriy etilgandi. Shuningdek, Tojikistonga tabiiy gaz va elektr energiyasi yetkazib berish to'xtatilgandi.

Ikki mamlakat o'rtasida tovar ayirboshlash hajmi 2015 yilga kelib 142 baravar kamayib ketdi, keyingi bir yilda esa keskin o'sish kuzatildi - 4 oyda 50 million dollar.

2015 yildan esa ikki mamlakat munosabatlarida iliqlashish boshlandi, tomonlar aviaqatnovlarni tiklash bo'yicha harakatlarga kirishdi, keyinroq, 20 yil ichida ilk marta madaniyati kunlari, ko'rgazmalar o'tkazildi, iqtisodiy aloqalar yo'lga qo'yilib, siyosiy ziddiyatlarda yon berishlar kuzatildi.

O'zbekistonning yangi prezidenti Shavkat Mirziyoyev tashqi siyosatdagi birinchi galdagi vazifa sifatida qo'shni mamlakatlar bilan do'stona aloqalar o'rnatishni belgilab oldi.

Manba: kun.uz


Комментарии (0) | Добавить: 26.02.2018
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
Поиск MP3 и Клипы

«Новости»

Kunduzgi uyqu hayot uchun xavfli deb topildi
Nonushtaga banan? Yo‘q, bu xavfli
Oiladagi janjalda uka halok bo'ldi
Ekologik falokatda faqat Rossiya manfaat olishi mumkinligi ma`lum bo'ldi
Tramp Xitoyni “talon-tarojlik”da aybladi
Pxenyandagi parad ko'p yillar davomida ilk marta ballistik raketalar namoyishisiz o'tdi
Olimlar uyqusizlik sabab semirish ehtimoli yuqori ekanligini aniqlashdi
O‘zbekistonda Facebook bilan bog‘liq muammolar fonida mobil VPN ommaviyligi keskin oshdi
Bosh vazir o'rinbosari: «Ayollarga nisbatan zo'ravonlikka chek qo'yaylik!»
Ilonlar qurg'oqchilikdan keyin kamroq, yog'ingarchilikdan keyin ko'proq chaqishi aniqlandi
2019 yilda O'zbekistonda ko'pkari bo'yicha ilk jahon chempionati o'tkaziladi
Mi 8 Pro xalqaro bozorga chiqyapti – u Xiaomi’ning yangi flagmanimi?
Ikki daqiqada uyquga ketish mumkin. Amerikalik harbiylar usuli
“Ular me’yordan chiqishgan”. Olimjon Xudoynazarov “Dizayn” jamoasining tarqalgan audiolariga munosabat bildirdi (video)
Jurnalistlar Trampni sovuq urush uslubida masxara qildi
Saloh Misr terma jamoasi o'yinida 2 gol urib, 2 golga pas berdi va 2 penaltini urolmadi
Rustam Sa’diyev “Baron 2” filmining suratga olish ishlari qaysi davlatlarda bo‘lib o‘tishini ma’lum qildi
«Telegram»ning «klon»i paydo bo‘ldi
Alisher Usmonov tug‘ilgan kunini taniqli oligarxlar bilan Toshkentda nishonlamoqchi
Majburiy mehnatga jalb qilinganlar uchun ishonch telefonlari ishga tushirilmoqda
O'zbekistonda 10 sentabrdan 9 raqamli raqamlash tizimiga o'tiladi
Salbiy kayfiyatda uyg'onish – o'ta xavfli
Shahram G'iyosov navbatdagi raqibini ma`lum qildi. Bu uning faoliyatidagi eng kuchli raqib
Tramp Apple’ga ishlab chiqarishini AQShga qaytarishni tavsiya qildi
Ayrim mahsulotlarni birga iste`mol qilib bo'lmaydi. Shu to'g'rimi?
15 sentabr “Avtomobilsiz kun” aksiyasiga start beriladi
Makgregor UFC chempioni bo'lgan qizga ruhiy jarohat yetkazdi
Pasport yo'qolganda nima qilish kerak
Qanday xodimlarga dastlabki sinov belgilanmaydi?
Facebook ishlamayaptimi: unda sizga VPN yordam beradi