SHOIRA OTABEKOVADAN QAYNOQ YANGILIKLAR

21.07.2014

4161

O'zbek estradasining yorqin ijodkori, o'zining dilga yaqin taronalari ila ko'plab muxlislar mehrini qozonib kelayotgan xonanda Shoira Otabekova so'nggi paytlarda ijod umminiga sho'ng'igan. Ayni paytda uning "Sog'lom bola" deya nomlangan qo'shig'i tayyor va tez kunda bu qo'shiqni FM radiolari orqali tinglash imkoniga ega bo'lasiz. Ushbu ijod namunasi xonandaning tobora yaqinlashib kelayotgan ulug' bayramimiz - Mustaqilligimizning 23 yilligiga bag'ishlangan sovg'asi. Ushbu qo'shiqda xonandaning vatanga bo'lgan muhabbati va iftixori aks etgan. Hozirgi kunda estradamiz yulduzi o'z ijodiy guruhi bilan hamkorlikda ushbu qo'shiqqa klip suratga olishni rejalashtirmoqda.

Qolaversa hozirda xonanda bastakor va matn muallifi Rustambek Xudayberganov bilan "Yor-yor" nomli tarona ustida ishlamoqda. 

Shoira Otabekovaga ijodiy zafarlar tilab qolamiz!