SIZNI SOG'INDIK USTOZ!


Qulog'imiz ostida,
Jaranglaydi bir ovoz.
"Nahot" deymiz ba'zida,
Sizni sog'indik ustoz.

Bo'lar bo'lmas suhbatlar,
Yaxshilarga tuhmatlar,
Tugamaydi g'iybatlar,
Sizni sog'indik ustoz.

Kim do'stiga tosh otar,
Og'ir gunohga botar,
Kimdir ilmini sotar,
Sizni sog'indik ustoz.

Savol bordir hammada,
"IYMON" degan kemada,
Eslayman har jumada,
Sizni sog'indik ustoz.

Shogirdlar qator qator,
Yaxshiyam kitoblar bor,
O'qiymiz takror takror,
Sizni sog'indik ustoz.

Sizni ko'rgan odamlar,
Xotirlar ko'zda namlar,
Yurak titrar har safar,
Sizni sog'indik ustoz.

Yetmayin qadringizga,
Yig'lashar qabringizda,
Bosh egib sabringizga,
Sizni sog'indik ustoz.

Ustoz, bu foniy dunyo,
Yolg'on tush kabi go'yo,
Dardga izlasak davo,
Sizni sog'indik ustoz.

Nur to'la yuzlaringiz,
Nasihat so'zlaringiz,
Topolmay izlaringiz,
Sizni sog'indik ustoz.

Kelajak avlodlarga,
Ko'p so'zlaymiz siz haqda,
Jim, yolg'iz qolgan vaqtda,
Sizni sog'indik ustoz.

Hikmat marjoni tengsiz,
So'zlardan oqar dengiz,
Ochganda kitobingiz,
Sizni sog'indik ustoz.

Ahad Qayum yig'laydi,
Yuragini tig'laydi,
Ba'zan chidab bo'lmaydi,
Sizni sog'indik ustoz.

Sher Shayx Muhammad Sodiq Muhammad Yusuf uztozga bag'ishlangan.
Muallif: Ahad Qayum

Комментарии (8) | Добавить: 18.07.2015
8. sHoH_uZ (21.07.2015 02:09)
супер!!!
7. sHoH_uZ (21.07.2015 02:09)
супер!!
Gap y6q
5. _-Elbek-_ (19.07.2015 01:16)
Sherga gap bo'lishi mumkin emas! Ortiqcha izohga ham hojat yo'q!
4. _-Elbek-_ (19.07.2015 01:15)
Shayx hazratlari hammani yig'latib ketdilar, ilohim oxiratlari obod bo'lsin. Joyiz jannatdan bo'lsin muhtaram Shayx hazratlari.
3. _Yagona_ (19.07.2015 00:51)
Yaxwi
2. bekmami (18.07.2015 21:38)
gap yuq
1. MANKENT (18.07.2015 20:27)
Gap yo'q dahwat
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]