Супербоул вақти: америкаликлар сепер харидларни амалга оширмоқчи

Американча футбол миллий лигаси (NFL) финал учрашуви – Супербоул вақтида америкаликлар 15,5 миллиард доллар сарфлашади. Бу ҳақда “Ретейлерлар миллий федерацияси маълумотларига таяниб “Интерфакс” хабар қилмоқда.

Хусусан, финал учрашуви куни АҚШ фуқаролари 1,3 дона товуқ қанотларини истеъмол қилиши кутилмоқда.

Ўйин вақтида 189 миллион киши телевизор қаршисида жам бўлиши кутилмоқда. Ўтган йилда томошабинлар сони 183,7 миллионни ташкил этган. Бу йил томоша вақтида ҳар бир киши ўртача 82,19 доллардан пул сарфлаши айтилмоқда. 2015 йилда бу рақамлар 77,88 доллардан иборат бўлган.
43,3 миллион америкалик шу муносабат билан ўз уйида базм уюштиришни режа қилган. Сўровномада қатнашган 8,6 миллион киши айнан финал учун янги телевизор сотиб олишини маълум қилган.

Қайд этилишича, қарийб 80 фоиз америкалик учрашув вақтидаги рекламаларни қизиқиш билан томоша қилишини маълум қилган. Бу эса Супербоул учун ҳал қилувчи аҳамиятга эга бўлиб, бу вақтда эфирга узатиладиган 30 сониялик реклама ролигининг нархи 5 миллион долларни ташкил этади.

Бу йилги NFL финал баҳси 50- бор ташкил этилаётгани ҳам катта аҳамият касб этади. Ўйин Калифорниянинг Санта-Клара шаҳрида якшанба, 7 февраль куни “Денвер Бронкос” ва “Каролина Пантерс” жамоалари ўртасида бўлиб ўтади. Учрашув учун чиқарилган чипталарнинг нархи 500-1000 доллар, олиб-сотарлар қўлида эса 5000 долларга қадар чиққан.


Комментарии (2) | Добавить: 06.02.2016
2. samsung97 (07.02.2016 21:50)
Vo'le bu kuningdan biznes qilishni o'ylaysan har doim,iplos gala neftxo'rlar
1. legion2778 (07.02.2016 21:17)
Shu yerdayam olib sotarlari
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]