Suv yordamida uzoq umr ko'rish usullari

Suv — tabiatning bebaho ne'mati, bamisoli er, quyosh va havo singari insoniyat, hayvonot va nabotot olami tirikligining asosiy omilidir. Biz uni har doim iste'mol qilamiz yoki qandaydir korimizga ishlatamiz. Obi hayot Еr kurrasining katta qismini egallashini, sovuqda muzlashini, issiqda gazga aylanishini yaxshi bilamiz. 

Bular sizu biz o'z ko'zimiz bilan ko'rib, ishonch hosil qilishimiz lozim bo'lgan oddiy hodisalar. Ammo suvning yana bir mo''jizavor xossasi borki, ko'pchiligimiz buni sezmaymiz. Aniqrog'i, u har qanday quvvatni o'zida aks ettiruvchi axborot tashish omili ekanligini, gohida inson hayoti uchun xavf tug'diruvchi manbaga aylanishi ham mumkinligini xayolimizga keltirmaymiz.

Mazkur maqolada suv yordamida uzoq umr ko'rish sirlarini bayon qilamiz. Siz ular bilan kun davomida bir necha bor to'qnash kelgansiz!

Bu sirni Abu Ali ibn Sino uzoq umr ko'rish retseptlarida aytib o'tgan. U qarishning asosiy omili “organizm so'lib qolishida", deb hisoblagan. 

Zamonaviy ilm-fan ham bu fikrni tasdiqlamoqda – yosh o'tishi bilan organizmdagi suv miqdori kamayib boradi.

Bu esa qon va limfalarning quyuqlashishi, teri, mushaklar egiluvchanligining kamayishi, bosh, bo'g'imdagi og'riqlarga olib keladi.

Xo'sh, buning oldini olish uchun nima qilish kerak? Javob juda oddiy - organizmni namlantirish, suyuqlik bilan to'yintirish, ya'ni suv ichish kerak. Biroq qachon va qay holda?

Ma'lumki, suv organizmimizning asosini tashkil qiladi. Suv yana ma'lumot va quvvat tashuvchi sanaladi. Tanada quvvatni etkazish uchun ham ko'p miqdorda suv talab etiladi. Ko'plab quvvat mashqlari, misol uchun teta-xiling ham organizmda etarli miqdorda suv talab qiladi.

Muhimi, suv har qanday yaxshi va yomon ma'lumotni yozib oladi. Uning yonida kimgadir baqirsangiz, u salbiy ma'lumotni o'zida aks ettiradi, chiroyli musiqa eshitsangiz yoki muhabbat aks etgan so'zlarni aytsangiz suv ijobiy axborotga ega bo'ladi.

Sog'liq uchun faqat musbat quvvatga ega suv foyda keltiradi.

Yoglar suvni ertalab sovuq bo'lmagan, aksincha 40 gradusdagi issiq-iliq holatda iste'mol qilishni tavsiya qiladilar.

Qancha icholsangiz, misol uchun 1 stakan, 2, 3.... shuncha ichishingiz mumkin. Biroq boshlanishida asta-sekinlik bilan ko'paytirib boring.

Agar avval ertalablari suv ichmagan bo'lsangiz yoki uni umuman kam iste'mol qilsangiz, bir necha qultumdan boshlab, kun sayin dozani oshirib borishingiz mumkin.

Qaysi haroratdagi suv foydali?

Uni yana “tezkor suv” deb ham ataydilar. Ha, aytgancha, bilasizmi, organizmning qaerida suv so'riladi? Ko'pchilik bu savolga oshqozonda, deb javob beradi.

Oshqozonda hazm qilish jarayoni sodir bo'ladi, suv esa ingichka ichakda so'riladi. Tezkor suv – demak aynan u ingichka ichakka tezkorlik bilan etib boradi!

Agar siz oshqozonimizning tuzilishi bilan qiziqib ko'rgan bo'lsangiz shuni bilasizki, faqat suvgina undan hech qanday to'siqlarsiz, hazm qilishni talab qilmay, o'tib ketishi mumkin.

E'tibor qiling: faqat suv! Choy, qahva, o'simlik damlamalari, kompotlar emas. Ularni maydalash uchun hazm qiluvchi fermentlar talab etiladi.

Nima uchun iliq suv ichish kerak?

Chunki muzdek suvni oshqozon avval isitib, keyin o'tkazib yuboradi. Xitoyliklar esa suv va boshqa taomlarni isitish buyraklar quvvati hisobiga amalga oshiriladi, deb hisoblaydilar, shuning uchun muzdek suv ichishni tavsiya qilmaydilar.

Buyraklar quvvatini behuda sarflamasdan, uni asrab-avaylash va ko'paytirish lozim.

Yana bir muhim narsa. Oshqozonga suv tushgan vaqtda hazm qilish jarayoni sodir bo'lmayotgan bo'lishi kerak, aks holda aqlli organizm uni ichakka emas, hazm qilish fermentlarini aralashtirish uchun yo'naltiradi.

Demak, ertalab och qoringa faqat iliq suv ichish lozim. Mana shu tezkor suvning uchta sharti hisoblanadi. Unga minnatdorchilik so'zlarini ham aytishni unutmang.

Agar shunday qilsak, qanday natijaga erishamiz deysizmi?

Suv bevosita hujayraga emas, hujayra yaqinidagi joyga borib tushadi (hujayra ichidagi suv esa shishlarga sabab bo'ladi). Hujayra orasidagi suv esa qon va limfalarni eritadi, qondagi qand va xolesterin miqdorini pasaytiradi.

Tunda yig'ilib qolgan suv tanqisligi qoplanadi, chunki organizmda kechqurun ham qandaydir jarayonlar sodir bo'ladi, biroq unga suv etib kelmaydi. Ba'zilar esa yana tunda terlaydilar ham.

Ertalab och qoringa ichilgan suv zaharli moddalar, oshqozonda hazm bo'lmagan ovqat qoldiqlarini yuvadi va yo'g'on ichak faoliyatiga ijobiy ta'sir ko'rsatadi.

Oshqozon - ichak yo'lini ish boshlashga tayyorlaydi. Yarim soatdan keyin esa nonushta qilish mumkin bo'ladi.

Oshqozon-ichak yo'lining to'g'ri ishlashi barcha oziq moddalarining to'g'ri so'rilishi va uzoq hamda sog'lom hayot garovidir. Mana sizga uzoq umr ko'rish siri!

Xitoy tabobatiga ko'ra, suv asab tizimiga ham ijobiy ta'sir ko'rsatadi, ruhiy zo'riqishlarning oldini oladi (ruhiy zo'riqishdan keyin bir stakan qaynoq suv xo'plab ichilsa, organizm mazkur salbiy holatni zararsiz “eritib boradi”), xavotirni kamaytiradi.

E'tibor qarating, ertalab issiq suv iste'mol qiladigan insonlarda ajinlar kam bo'ladi.

Bu fikr ko'plab kosmetologlar bilan muhokama qilingan, ular buni tasdiqlashgan.

Ayollar terisida ijobiy o'zgarishni payqagach, ertalab 1 stakan emas 2 yoki 3 stakanlab suv ichishni boshlaydilar.

Suvni qaysi paytda iste'mol qilgan ma'qul? Ertalab 5 dan 7 ga qadar va kechqurun uyquga yotishdan oldin.

Uyqu oldidan suv ichish yo ichmaslik o'zingizga havola. Agar shishlar va tunda hojatxonaga borishdan qo'rqib, avvallari yotishdan oldin suv ichmagan bo'lsangiz, organizmni asta-sekinlik bilan o'rgatish lozim. Muhimi ertalab suv iching! Uni biroz limon suvi bilan nordonlashtirish ham mumkin.

Biroq choy, kompot yoki boshqa suyuqlik suvning o'rnini bosa olmasligini unutmang!

Sidqidildan qilingan toat-ibodat, ezgu tilaklar, shirin so'zlar va dilrabo kuylar suvga ijobiy xususiyat bag'ishlaydigan vosita vazifasini o'tay olishini yodda tuting. Suvni idishga solgach, u bilan obdon “suhbatlashing”. Faqat qalbingizni qiynayotgan muammolar haqida churq etmang, chunki ular zararli unsurlar miqdorini ko'paytirib yuboradi. Eng muhimi, siz suvdan zavqlaning. Juda bebaho, ajoyibdan-ajoyib ne'mat ekanligini aytib, uni maqtang. Sihat-salomatlik, farovon hayot, baxt, sevgi, Alloh, ilohiyot, tabarruklik, muqaddaslik va boshqa ezguliklar haqida so'z yuriting. 

Shunda, xoh ishoning-xoh ishonmang, mo''jiza ro'y beradi. Iliq gaplarni “tinglagan” suv o'z tarkibini to'liq o'zgartirib, musbat quvvatga ega bo'ladi. Bu inson salomatligi uchun o'ta muhim omil hisoblanadi. Shuning uchun ham o'tmishda aksariyat azayimxonu tabiblar bemorlarni aynan dam solingan, qaytariq qilingan obi-hayot bilan davolaganlar. Kohinlar ham butxonalarda o'tkaziladigan sirli ibodatlar paytida xochlardan tashqari, tarkibi yaxshi tilaklar ila boyitilgan suvdan ham foydalanganlar.


Комментарии (0) | Добавить: 21.11.2015
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Qanday qilib hech narsani unutmasdan va faol yashash mumkin?
Janubiy Koreya kompaniyasi Wi-Fi’da tezlik bo'yicha inqilob qilmoqchi
Bugun bo‘lib o‘tadigan The Best Football Awards marosimida FIFA kimlarni taqdirlaydi?
Isroilda yahudiy qizlarga ko‘ngil qo‘ygan arablarni ta’qib etishda gumon qilingan 15 kishi qo‘lga olindi
Turkmaniston prezidenti otda qurilish ob`yektlarini ko'zdan kechirdi
Alisher Usmonovning qarz o'rniga undirilgan sobiq yaxtasi sotildi
Dam olish kuni yo'l qo'yiladigan 11 xato
Ko'ngil ayniganda nima qilish kerakligiga doir 12 tavsiya
“Sumerki”da rol ijro etgan o‘zbekistonlik aktyor Alixan gonorari, rollari va oilasi haqida
MRB direktori: Kim Chen In to‘satdan g‘oyib bo‘lsa, buni bizdan so‘ramang
Amerikalik sayyoh O'zbekiston safaridan olgan taassurotlari bilan bo'lishdi
Google'ning Puerto-Rikodagi internet tarqatuvchi havo sharlari (foto)
"Titanik" yo'lovchisining maktubi rekord qiymatga sotildi
Ispaniya Bosh vaziri Kataloniya mustaqilligiga nuqta qo'ymoqchi
Bundan buyon Xitoyda har yili 15 million yangi ishchi o'rni yaratilishi lozim
Buxoroda konditsionerli avtobus bekatlari paydo bo‘ldi
“O‘zbekkonsert” rahbari o‘zgardi
Putin kelajakda atom bombasidan ham xavfliroq narsa nima bo'lishini aytdi
Yakkasaroy hokimiyati o'z binosini Maktabgacha ta`lim vazirligiga bo'shatib beradi
O'zbek shou-biznes vakillari paxta terishmoqda! (Foto)
Mavsumiy kasalliklar: gripp, paragripp, adenoviruslar va rinoviruslar
“Asakabank”ni 9 yil boshqargan Qahramon Aripov O‘zbekiston bog‘cha vaziriga o‘rinbosar bo‘ldi
Shotlandiyada bolalarni jismoniy jazolash man etildi
Gulnora Karimovaning 784 mln. dollariga AQSh va Niderlandiya da`vo qilmoqda
Ayol kishi nega erkaklardan kamroq pul topishi ma`lum bo'ldi
Google xakerlarni o'z ilovalarini buzib kirganlik uchun mukofotlaydi
Turkmanistonda gazni qayta ishlash bo'yicha eng yirik zavod qurilmoqda
O'zbekistonda yoshligi o'tgan Sobchakning qizi Rossiya prezidenti bo'ladimi?
Bred Pitt Anjelina Jolining yoshligini eslatuvchi qiz bilan uchrashishni boshladi
Yulduzlarning gonorari: O‘zbekistonda qo‘shiqchi va aktyorlar qancha pul topadi?