ТАШКИЛОТЧИГА ҚАРАБ, ЧИПТА ОЛ!

Мустақиллик йилларида мамлакатимизда турли йирик соҳалар қатори замонавий касблар ҳам такомиллаша бошлади. Жумладан, event-менежерлиги ва концерт продюсерлиги. Бу борада бугун ҳаракат қилаётган ўнлаб катта-кичик ташкилотлар пайдо бўлди. Бироқ, бири борки, унинг ишига жуда кўпчилик ҳавас қилади. Чунки, бу кенг тармоқли марказ ишнинг кўзини билади.

"Proart”  маркази – бир неча йиллардан бери тўй-ҳашамларни юксак даражада ташкил этишда ўз нуфузини қўлдан бой бермай келмоқда. Бу борада уларнинг мижоз билан олиб борадиган савияли мулоқоти, тажрибали ходимларнинг иқтидори ва ваъдага садоқати жуда асқотади. Event- менежменти ўта жадал ва салмоқли ривожланган мамлакатлар Ҳиндистон ва АҚШ эканлигини инобатга олсак, бу соҳанинг мамлакатимизда ҳам равнақ топиб, тараққий этганлар сафидан жой олишда "Proart”нинг ўрни алоҳида аҳамиятга эга!

"Proart”   жорий йилдан бошлаб, янги йўналишини – "концерт продюсерлиги”ни ташкил этди ва уни изчил шакллантиришга киришиб кетди.

Феврал ойида Райҳоннинг яккахон концертларини жуда юқори  савияда, жаҳон андозаларига  жавоб берадиган даражада ташкил этгани, компаниянинг омма орасида янада эътибор қозонишига сабаб бўлди. Райҳон бу ҳақда шундай дейди:

-"Proart”  концерт ташкил этиш бобида ҳали  тажрибага эга бўлмаса-да, уларга имкон беришни лозим топдим. Чунки, ҳамма ҳам аста-секин ном қозонади. Шундай йирик лойиҳани "Proart”га ишониб топширганим, компания раҳбарининг қатъияти, шижоати ва ўз ишига садоқати туфайли бўлди.  Жавлонни камтар шахс  ва ўз касбини севувчи раҳбар сифатида танийман. 2016 йил концертларимни ҳам айнан шу компания  билан ташкил этишни режалаштирганмиз. Мен "Proart”  нинг концерт продюсерлигида ҳам улкан шуҳрат қозонишига ишонаман.

"Proart”  тақдим этаётган янги лойиҳа Муниса Ризаеванинг 3 кунлик яккахон концертларидир.  Компаниянинг ишидаги сифат ушбу лойиҳа давомида янада яққол кўзга ташланмоқда. Концерт баннерларидан тортиб, таклифнома дизайни, муҳташам саҳна декорацияси-ю дастурга масъуллик... Ҳаммасида иш сифати кафолатланган!

"Онасига қараб қизини ол” нақлини замонга, айнан шу соҳага мосласак, "Ташкилотчисига қараб, чипта ол”!

Маълумотларга қараганда, хонанда Шохрух Хоннинг баҳор ойларига мўлжалланган яккахон концертлари ҳам "Proart” томонидан ташкил этилади.  

"Proart”  билан ҳамкорлик қилиш истагидаги санъаткорлар анчага етди. Бу қизиқишнинг сабаби: компания лафзидаги ҳалоллик!  Тилагимиз, шундай ўзаро ишонч манфаатли ва давомий бўлсин!    

Жасур ҲАМРОЕВ