Televizorni tekshirib xarid qiling

Аксарият хонадонларда асосий маиший техника воситаларидан бири, табиийки, телевизор ҳисобланади. Шу боис ҳам янги телевизор сотиб олаётганда, кейинчалик дилхираликлар бўлмаслиги учун текширувдан ўтказиб олиш мақсадга мувофиқ.

Тўғри, замонавий телевизорлар етарлича ишончли, бироқ барибир кўриб-билиб олганга нима етсин.

Қани, кетдик унда…

  1. Аввало дўконни танланг

Афсуски, «Мижоз ҳамиша ҳақ» ақидаси ҳамма жойда ҳам ишлайвермайди, шу сабабли, харид олдидан дўкондан қуйидагилар бор-йўқлигини сўранг:

  • Телевизорнинг Ўзбекистонда сотилиши, фойдаланилиши мумкинлиги ҳақидаги сертификати ҳамда ишлаб чиқарувчи берган кафолати;
  • Телевизорни қайтариб топшириш ёки алмаштириб олиш имконияти.

Ҳа, сифатли маиший техника маҳсулотларини сотадиган ишончли дўконлар мана шундай имкониятларни ҳам тақдим этишади. Сотилганидан кейин маълум бир муддат ичида унинг нуқсони борлиги аниқланса, уни кафолат бўйича худди шу моделдаги соз телевизорга алмаштириб беришади, ёки тегишли қўшимча тўлов эвазига бошқа моделдагисини беришади. Харид қилишдан олдин шу кабиларни дўкондан сўраб, аниқлаштириб олганингиз маъқул.

  1. Ўрамни ва жамланманинг бутунлигини текширинг

Дейлик, дўкон билан гаплашдингиз, телевизор модели бўйича бир қарорга келгансиз, нархини ва кафолат шартларини келишиб олдингиз. Хўш, телевизорни қутиси билан бирга омбордан чиқариб беришаётганида нималарни текшириш лозим?

  • Барча аксессуарлар (пультлар, кабеллар, ҳужжатлар) жойида эканлиги;
  • Телевизорнинг ва подставканинг корпусида оригинал ҳимоя плёнкалари мавжудлиги;
  • Товарда аввал ишлатилганлик белгилари бор-йўқлиги.

Агар сизга телевизорнинг ўрами аввал ҳам очилгандек, ҳимоя плёнкалари олиниб, қайта ёпиштирилгандек туюлса – иккиланиб ўтирмасдан бу товарни рад этинг. Чунки булар унинг олдин ишлатилганлиги нишоналари бўлиши мумкин. Айниқса, сайқалланган металл панелли ёки хромланган унсурлари бор бўлган маҳсулотларга жиддий эътибор беринг – уларда тирналган-чизилган жойлар, бошқа шикастлар бўлмаслиги лозим. Одатда бунақа юзалар плёнка ёки шунга ўхшаш воситалар ёрдамида ҳимояланган бўлади ва улар телевизорни очиб ишлатганда олиб ташланади.

  1. Тўғри ишлаши ва нуқсонлар йўқлигини кўздан кечиринг

Жамланмадаги барча аксессуарлар мавжудлигига ишонч ҳосил қилгач, энг асосийсига навбат келади – телевизорни ишлатиб кўрасиз. Унинг ишлашида нуқсонлар йўқлигига ишонч ҳосил қилишингиз керак.

Яхшиси, телевизорни синаш учун суратли файлларни дўконга чиқиш олдидан USB-флешкага, ноутбукка ёки файл сақловчи бошқа бирор қурилмага солиб, ёнингизда олиб оборганингиз маъқул. Улар ёрдамида телевизорни қуйидаги тартибда текшириб кўрасиз:

  • USB-флешкани (ёки суратлар солинган бошқа сақлагични) телевизорга уланг.
  • Телевизорни токка улаб, ёқинг.
  • Агар бирламчи созлаш менюси чиқадиган бўлса, уни ўтказиб юборинг, ҳозирча у шартмас.
  • Телевизорни USB-медиаплеер режимига ёки хотира қурилмангиз уланган тегишли кириш портидан ўқиш режимига ўтказинг.
  • Текшириш учун суратларни экранга чиқаришни бошланг.
  • Экранда қуйидаги бўлимда айтиб ўтиладиган нуқсонлар бор-йўқлигига диққат қаратинг.
  1. Экранда нуқталар бўлмасин!

Бир хил рангли расмларни тўлиқ экранга чиқариш орқали «ўлик» ва «ёниқ» пикселлар бор-йўқлигини аниқлаш мумкин. Бунда «ўлик»лари ёнмайдиган қора нуқта шаклида кўринади. «Ёниқ» пикселлар эса аксинча – ҳатто қора фонда ҳам ёрқин нуқта ҳолида намоён бўлади.

Тўғри, замонавий панелларда бу каби нуқсонлар ўта кам учрайди, лекин барибир, кейин афсусланиб юргандан кўра бошиданоқ текшириб олган маъқул.

  1. Ёруғлик текис тақсимланишини кузатинг

Қоп-қора рангли суратни тўлиқ экранга чиқариб, назар солганимизда экранга ёруғликнинг бир хил тақсимланишини текшириш мумкин бўлади. Унинг турли ҳудудларида «куйган» жойлари бўлмаслигига эътибор қаратинг. Тўғри, суюқ кристалли телевизорларда салгина ранг ўзгаришлари бўлиши мумкин, аммо қора экранда бир нечта ёруғ «доғ»лар бўлиши унинг нуқсонли эканлигидан дарак беради. Бундай ҳолларда мазкур товардан бошқасини олишни маслаҳат берамиз, дўкон маъмурияти кўнмаса – хариддан воз кечиб қўяқолганингиз маъқул. Ёдда тутинг – суюқ кристалли телевизорлар ишлаб чиқарувчиларнинг кўпчилиги экран ёритилишидаги салгина фарқларни нуқсон ҳисобламайди ва айни шу камчилиги учун маҳсулотини алмаштириб олишга уларни ёки сотувчиларни кўндириш ўта қийин бўлади. Шу боис бошиданоқ бу хусусиятига жиддий қаранг.

  1. Ёрқин доғлар ҳам нуқсондир

Айрим ҳолларда экранга тўлиқ ҳолда оқ рангли тасвирни чиқариб, яхшилаб кўздан кечириш ҳам зарар қилмайди. Бу билан унинг рангли «доғ»лари бор-йўқлигини баҳолайсиз. Кўпинча улар оппоқ фонда оч пуштига ёки оч яшилга мойил рангда намоён бўлади. Гап шундаки, бу «рангдорлик» телевизорнинг матрицасида бўлади ва у экрандаги ҳар қандай тасвирнинг юзасида ҳамиша кўриниб тураверади. Шунинг учун ҳам бундай нуқсони бўлган телевизорни харид қилманг. Олдинги ҳолатдаги каби, бундай кўринишни ҳам аксарият ишлаб чиқарувчилар маҳсулотни алмаштириш ёки таъмирлаш учун етарли асос ҳисоблашмайди.

Юқоридаги барча текширувлардан муваффақиятли ўтган телевизорни иккиланмасдан сотиб олишингиз мумкин, лекин охирида яна бир нарсани унутманг. Яъни, дўконда ушбу олди-сотди амалиётини расман қайд эттириб, кафолат талонларига тўлиқ ёздириб, сотувчининг имзоси ва дўкон муҳрини туширтириб олинг.

Албатта, дўконнинг ташриф қоғозини ҳам олишингиз керак – нафақат бирор нуқсон чиққанида мурожаат этиш учун, балки олган телевизорингиз яхши чиқса, бошқаларга ҳам шу дўконни тавсия этишингиз мумкин-ку.

Сизга хайрли харидлар тилаймиз!


Комментарии (1) | Добавить: 27.01.2017
1. NuR_KR (27.01.2017 21:32)
Bilmaskanman.
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Tishlarni oqartirishning siz bilmagan usullari
2017-yili O‘zbekistonda kishi boshiga o‘rtacha daromad 5,8 million so‘mni tashkil qildi
Aytishlaricha, «Tangem» O‘zbekistonning Janubiy Koreyadagi sayyohlik elchisi sifatida faoliyat yuritadi
Surxondaryo viloyat teleradiokompaniyasi direktori ishdan ketdi. O‘rniga yangisi tayinlandi
Dubay kompaniyasi 270 ming dollarlik ayollar tufligini yaratdi
40 yosh ostonasidagi Manzura: “Biz fahsh tarqatuvchi bo'lmasligimiz kerak”
Minor jome masjidi haqida nimalarni bilasiz?
Putin Leninning maqbaradagi tanasini avliyolarning qoldiqlariga tenglashtirdi
Shavkat Mirziyoyevning Twitter’dagi akkaunti verifikatsiyadan o‘tib, ko‘k belgiga ega bo‘ldi
Davlat soliq qo'mitasi ishga taklif etadi
«Navoiyning yangi g‘azalini eshitdik». Nima uchun xalq Sherali Jo‘rayevni yaxshi ko‘radi?
Samvel Babayan Jahon Chempionatiga qay tariqa chiqa olmaganini “Spartak” muxlislariga aytib berdi
Axborotni xotirada yaxshi saqlab qolishning 5 ta usuli
Qrim muftiysi Putinni qo‘llab-quvvatlashini e’lon qildi
Turkiyadan 150 mln so'mlik kiyim-kechaklarni noqonuniy olib kirish oldi olindi
La Liga. «Real» tarixda ilk marotaba «Vilyarreal»ga yutqazdi
Birinchi Prezident faoliyat olib borgan Oqsaroy qarorgohi barcha uchun o‘z eshiklarini ochadi
Haqiqatan ham aqlli odam ekanligingizni tasdiqlovchi 6 belgi
Islom Karimov ishlagan xonani bevosita ko'rish imkoni bo'ladi
100 yil yashashga yordam beruvchi oddiy qoidalar
AQSh Rossiyaning yadroviy ustunligini tan oldi
Iltifotsevarlar uchun tavsiya: voz kechish kerak bo‘lgan 9 xil maqtov
Imperiya tarixida burilish yasagan Ko‘sem Sulton
“Paxtakor” yana bir turk klubini mag‘lub etdi. Aleksandr Lobanov bu safar ham penalti qaytardi
2017-yilda provayder va operatorlar uchun internet narxi 3 barobarga tushirildi
Endi hokimlar xorijga chiqadi, elchilar esa kunini hokimga qo‘ng‘iroq qilishdan boshlaydi
Namanganda yil davomida 12 ming kam ta’minlangan fuqaro jamoat ishlariga jalb etiladi
Aloqa xizmatlarida muammo tug‘ilsa… Kimga va qay tartibda murojaat qilasiz?
Facebook asoschisi tarmoqning foydalanuvchilariga nisbatan siyosatini o'zgartiradi
«Real» 400 million yevrolik transferga tayyor