Tezda til o'rganish haqida odamlar orasida yurgan uch safsata

o'shqinlik — Genri Ford ta'biri bilan aytganda muvaffaqiyatga olib boruvchi asosiy omillardan biridir. Til o'rganishga astoydil kirishish, ish faoliyatiga ham, shaxsiy hayotda ham katta yordam beradi. Chunki bu vaziyatda inson o'zida jo'shqinlik hissini sezadi. U boshqa ishlarida ham ana shunday hissiyot bilan harakat qiladi va muvaffaqiyatga erishadi. Ammo yoningizda yurgan ayrim lofchi yoki uydirmachilarning fikriga quloq solishingiz natijasida, o'z kuchingizga bo'lgan ishonch bora-bora g'oyib bo'ladi va siz ham ularga o'xshab noshud, notovonligingizcha qolib ketasiz.

Lekin sizu biz bunday insonlar emasmiz shundaymi? Shuning uchun bu safsatalarni hoziroq hal etishimiz kerak!

Yosh: “Men til o'rganish uchun o'zimning imkoniyatimni boy berib qo'ydim! Endi bu yog'iga qarilik qilaman!”

Aql yoshda emas, boshda degan naqlni eshitgan bo'lsangiz kerak. Xuddi shunday o'zingizdan harakat bo'lmasa, yangi til o'z-o'zidan miyangizga tushib qolmaydi. Bolalar rivojlanish jarayonlarida muttasil ravishda yon-atroflaridagi dunyoni o'rganishadi (hatto tushlarida ham). Hatto tillari chiqib, gapirishlariga ham yillar kerak bo'ladi.

Bolalarning miyasi kattalarnikidek ishlamagani bois, ular so'zlarni tez va oson yodlarida saqlab qolishadi. (Bilmadik, sizda til o'rganish va gapira olish uchun qancha kech bo'ldi? Aslida bu ahamiyatsiz narsa).

Axir siz kap-katta odamsiz-ku! Dunyoni yaxshi idrok etasiz, fikrlaringizni ravon ifodalay olasiz va umuman, nima uchun til o'rganmoqchi ekanligingizni ham tushunasiz. Buning ustiga mavjud grammatik qoidalar til o'rganishingizni yanada osonlashtiradi.

Vaqt: “Men axir shundoq ham bandman!”

Boshidanoq tan oling, til o'rganish, vaqtni zoe ketgazish degani emas-ku, to'g'rimi? Xorijiy tillarni uncha mukammal o'rganmasangizda, biroq buning oqibatida dunyoqarashingiz kengayadi. Ishda yoki shaxsiy hayotda xorijiy tilda muloqotda bo'lish, yangi imkoniyatlar eshigini ochib beradi.

Til o'rganish vaqt ketkazish yoki o'yin-kulgu degani emas. Tan olish kerakki, oddiy ingliz tilini yuzaki bilish ham bugungi zamon talabi bo'lib qolayotir.

Yangi ish topishni xohlaysizmi? Til bilish yaxshi ishga joylashishingizga sabab bo'ladi. Еr yuzi bo'ylab sayohat qilishni, turli davlatlarda bo'lishni istaysizmi? Til o'rganish sizga bunday imkoniyatni ham beradi. Siz pullaringizni shunchaki havoga sovurib, u erlarda aylanib kelishingiz ham mumkin. Ammo til bilsangiz borgan eringiz bilan yanada yaqinroq tanishishingiz, mahalliy aholi vakillari orasidan do'st orttirishingiz, u erning urf-odatlari va madaniyati haqida yanada ko'proq narsa bilib olishingiz mumkin bo'ladi.

Til o'rganaman deb tirishib, yopishib yotishning hojati yo'q. Bu ishga ijodiy yondoshing! Masalan avtomobil tiqilinchida audio vositalar yordamida yoki tunda o'sha tildagi filmlarni tomosha qilib ham o'rgansa bo'ladi. Til o'qituvchisi bilan erkin mavzuda gaplashish ham yordam beradi. Hamma gap xohishda, vaqt topilaveradi.

Mablag': “Hammasi pulga borib taqaladi!”

Mana bu bahona til o'rganishdan qochish uchun yaxshi vosita hisoblanadi. Shunday emasmi? Ammo siz tilni nima uchun o'rganayotganingizni qalban tushunib etsangiz, bu kabi muammolar sizga sariq chaqadek arzimas bo'lib ko'rinadi. Tilni mustaqil o'rganishingiz mumkin, biroq o'qituvchi sizga to'g'ri talaffuz qilish va boshqa qoidalarni o'zlashtirib olishga katta yordam beradi. Bu uncha katta muammo emasku, axir!

Til o'rganish uchun alohida kurslarga yoki repetitorga borishning hojati yo'q. Sizda shunchaki xohish va internet bo'lsa bo'lgani. Ayrim til o'rgatuvchi saytlar, masalan, “italki” sizga bu borada katta yordam beradi. Siz u erdan o'zingizga munosib o'qituvchi tanlab olasiz va vaqtni ham o'zingiz belgilaysiz. Bu sizga unchalik qimmatga ham tushmaydi. Buning uchun siz hech qaerga chiqmaysiz va skayp yordamida o'qituvchingiz bilan muloqot qilaverasiz.

Xullas, taslim bo'lmang! Bu, avvalo, o'zingizga kerak. Yangi tilni o'rganish bilan o'z tafakkuringizni ham yuksaltiring. Zero, bizning vazifamiz o'qish va o'rganish!

O'qishni tavsiya etamiz: Ingliz tilini o'rganishning eng yaxshi usullari


Комментарии (0) | Добавить: 03.01.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

“Sumerki”da rol ijro etgan o‘zbekistonlik aktyor Alixan gonorari, rollari va oilasi haqida
MRB direktori: Kim Chen In to‘satdan g‘oyib bo‘lsa, buni bizdan so‘ramang
Amerikalik sayyoh O'zbekiston safaridan olgan taassurotlari bilan bo'lishdi
Google'ning Puerto-Rikodagi internet tarqatuvchi havo sharlari (foto)
"Titanik" yo'lovchisining maktubi rekord qiymatga sotildi
Ispaniya Bosh vaziri Kataloniya mustaqilligiga nuqta qo'ymoqchi
Bundan buyon Xitoyda har yili 15 million yangi ishchi o'rni yaratilishi lozim
Buxoroda konditsionerli avtobus bekatlari paydo bo‘ldi
“O‘zbekkonsert” rahbari o‘zgardi
Putin kelajakda atom bombasidan ham xavfliroq narsa nima bo'lishini aytdi
Yakkasaroy hokimiyati o'z binosini Maktabgacha ta`lim vazirligiga bo'shatib beradi
O'zbek shou-biznes vakillari paxta terishmoqda! (Foto)
Mavsumiy kasalliklar: gripp, paragripp, adenoviruslar va rinoviruslar
“Asakabank”ni 9 yil boshqargan Qahramon Aripov O‘zbekiston bog‘cha vaziriga o‘rinbosar bo‘ldi
Shotlandiyada bolalarni jismoniy jazolash man etildi
Gulnora Karimovaning 784 mln. dollariga AQSh va Niderlandiya da`vo qilmoqda
Ayol kishi nega erkaklardan kamroq pul topishi ma`lum bo'ldi
Google xakerlarni o'z ilovalarini buzib kirganlik uchun mukofotlaydi
Turkmanistonda gazni qayta ishlash bo'yicha eng yirik zavod qurilmoqda
O'zbekistonda yoshligi o'tgan Sobchakning qizi Rossiya prezidenti bo'ladimi?
Bred Pitt Anjelina Jolining yoshligini eslatuvchi qiz bilan uchrashishni boshladi
Yulduzlarning gonorari: O‘zbekistonda qo‘shiqchi va aktyorlar qancha pul topadi?
Madaniyat vazirligi Sharof Rashidovga shaxsan tegishli bo'lgan buyumlarni xarid qiladi
Twitter xavfsizlik tizimini kuchaytiradi
Yangi vazirlikka ayol kishi rahbar etib tayinlandi
Apple rasmiy servislarda ta`mirlanmagan smartfonlarni bloklamoqchi
Qozog‘iston kartoshkasi qimmatlab, O‘zbekistonga olib chiqib ketilmoqda. O‘zbekistondagi talab Qozog‘iston kartoshka bozoriga qanday ta’sir
Putin dunyodagi geosiyosiy vaziyatga izoh berdi
Toshkentda yangi haydovchilik guvohnomalarining berilishi 20-oktabrdan boshlanadi
Toshkent, Sirdaryo, Jizzaxda terimchilar bir kilogramm paxta uchun 800 so‘mdan, qolgan hududlarda 700 so‘mdan haq olishni boshladi