To'ydan oldin qizlar eshitishi mumkin bo'lmagan 5 gap

«Қиз бола эшитмасин, уят бўлади!» Баъзан катталар шундай дейишса, ноқулай аҳволга тушасиз, уяласиз, ҳатто хафа ҳам бўласиз: «Нега эрга тегдим деб ўзларини олишади?» дейсиз. Хафа бўлманг, қизларжон. Дарҳақиқат, айрим гапларга қулоқларингизни беркитганингиз маъқул, чунки улар сизга, бўлажак ҳаётингизга салбий таъсир кўрсатади.

Мутахассисимиз — «SUG‘DIYONA»  аёллар клуби мутахассиси, руҳшунос Гўзал РЎЗМАТОВА.

1. Биринчи никоҳ кечаси тафсилотлари. Албатта, қизларни оилавий ҳаётга тайёрлашда жинсий тарбиянинг аҳамияти беқиёс. Шу маънода илк никоҳ оқшоми ҳақида қизлар маълумотга эга бўлишлари керак. Лекин бу ўринда фойдали маълумотни зарарлисидан фарқлаш лозим. Қиз болани чўчитмайдиган, нозик муносабатлардан бездирмайдиган маълумотлар никоҳ оқшоми яқинлашганда янгалар томонидан келиннинг қулоғига шипшитилади, яъни турли қўрқинчли тафсилотлардан холи, кўпроқ келин учун керакли бўладиган гаплар айтилади. Аммо айримлар, хусусан, янги турмушга чиққан қизлар ўзларининг илк висол оқшомлари ҳақида ранг-бўёқларга тўла (кўпинча қўрқинчли) тафсилотларни ҳикоя қилиб, қиз боланинг онгини заҳарлашлари мумкин. Шунинг учун маълумотни янгалардан олинг-у, тафсилотларга қизиқманг. Зеро, ҳар кимнинг биринчи никоҳ кечаси фақат ўзиники, у бошқа бировникига ўхшамайди.

2. Келинларнинг қайнонаси ҳақидаги ёмон гаплари. Мен кимдир қайнонасини ёмонлашни бошласа, қизларнинг қулоқларини беркитиш тарафдориман. Бу юқумли дардга ўхшайди. Қиз бола ҳадеб қайнона ёмон деган гапни эшитавериб, бунга буткул ишониб қолади. Янги оилага шу нотўғри, бузғунчи ишонч билан қадам босади, ҳамманинг қайнонаси ёмон бўлганда бир уники яхши бўлиб чиқишига ишонмайди. Демак, аввал бошданоқ муносабатларнинг пойдеворига путур етган бўлади. Оналар, янгалар, қизларимизга ўзимизнинг дардимизни юқтирмайлик, токи улар бўлажак қайноналарини сизнинг қайнонангиз эмас, ўзларининг бувилари каби инсон деб ишонсинлар.

3. Келинлик машаққати ҳаддан ортиқ бўрттирилган ҳикоялар. «Келин бўлдингми, тамом, одам эмассан», «Эрта тонгдан ярим тунгача тиним билмайсан, қулдан фарқинг қолмайди» каби гапларга умуман қулоқ солманг. Ўша келинлар ўз бахтини англамаган ё унинг қадрига етмаган инсонлардир. Тўғри, бировнинг уйи, янги оила, янги муносабатлар... Албатта, ота-онангизнинг бағрида юргандек эрка бўлолмайсиз. Лекин сиз меҳнатдан қўрқманг, аксинча, қанча инсон сизга ҳавас қилиб турганини ўйланг. Ахир, янги ҳаёт бошлайсиз, ҳамма сиздан яхшилик кутади, турмуш ўртоғингиз сизни севиб-ардоқлайди, қайнонангиз бошқаларга кўз-кўз қилгиси келади. Остонаси тиллодан бўлган уйда бахтли ҳаёт бошлаётган инсонсиз. Бу ҳолат бир умрга давом этиши мумкин, ҳаммаси ўз қўлингизда.

4. «Эркакларнинг ҳаммаси бир гўр» мазмунидаги ҳасратлар. Бўлмаган гап. Кимдир эридан куйган бўлса, бу – унинг тақдири. Ўзиям осмондаги фаришта эмасдир. Эркакларнинг яхшиси ҳам бор, ёмони ҳам, тўғрироғи, ҳар бирининг ўз салбий ва ижобий жиҳатлари етарли. Яхшисини ошириб, ёмонини яширсангиз (ахир, кимнинг яхши одам бўлгиси келмайди), у ҳам ўзгаради. Баъзан ота-она қилолмаган ишни севимли ёр тадбиру ширин сўз билан амалга ошириши, яъни эрни тўғри йўлга солиши мумкин. Бекорга айтишмаган-ку: «Эрни эр қиладиган...» деб. Хуллас, олдингизда биров эрини ёмонлай бошладими, қулоқларингизни беркитинг.

5. Бола туғиш ва катта қилишнинг нақадар азоблиги ҳақидаги афсоналар. “Қўрқувнинг кўзлари катта”, “Қўрққанга қўш кўринади” деган гапларни эшитгансиз. Тўғри, одамдан одам туғилиши осон эмас, аммо дунёда бу оғриққа чидай олмаган аёл йўқ. Негаки, туғруқ азобидан кейин дунёдаги энг бахтли инсон – онага айланансиз. Болангизнинг бағрингизга босган дақиқангиздан бошлаб барча тортган уқубатларингизни унутасиз, ҳеч қанча вақт ўтмай кичкинтойингизга укача ёки сингилча олиб келиш ҳақида режалар туза бошлайсиз.  Катта қилиш, тарбиялашда эса сиз ёлғиз бўлмайсиз: фарзандингизнинг отаси, бувилари, боболари бор. Хуллас, бахтингизга соя ташлайдиган бундай гапларга ҳам ишонманг.


Комментарии (0) | Добавить: 12.12.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

40 yosh ostonasidagi Rayhon: “Sizda oila yo'qmi, demak, hech narsangiz yo'q”
Toshkent viloyatida 38 mln so'mlik otlar o'g'irlab ketildi
Jahon chempionati kubogi O‘zbekistonga 6-fevralda keladi
«Facebook» yangi vaqt o‘lchov birligini yaratdi
Qur`oni karim lotin alifbosida ham chop etiladigan bo'ldi
Nokia besh kamerali smartfon ishlab chiqarmoqda
Osiyo chempionati dastlabki finalchisi aniq bo'ldi
Bandlik va mehnat munosabatlari vazirligi xorijda ishlash istagida bo'lganlarga murojaat qildi
Orol dengizi suvida faqat bitta jonzot omon qoldi
Suvni qachon ichgan ma`qul: ovqatgacha, undan keyin yoki ovqatlanish davomida?
Rasman: O‘zbekistonda «Real Madrid» klubining futbol maktabi ochiladi
Ta’tildan qaytgach, ishga kirishish qiyin bo‘ladi. Nima qilish kerak?
Milliy xavfsizlik xizmati faoliyati ustidan Parlament nazorati mexanizmlari belgilanadi
Ulug‘bek Qodirov yangi qiyofada. Xiva xonligi bosh vazirining sirli o‘limi haqida film suratga olinadi
Toshkentda 6 kishi bir kishini temir va yog‘och bilan urib tashladi
«GM Uzbekistan» «Chevrolet Orlando» ishlab chiqarishni to‘xtatmoqda
Xitoyda sog'lom uyqu uchun antiqa karavot yaratildi
Suares «Barselona» tarixiga kirdi
O'zbekistonda o'lcham birliklari tartibga solinadi
Eronning eng yirik zamonaviy harbiy kemasi ikkiga bo'linib ketdi
Video: Prezident Shavkat Mirziyoyevni bir kuni
O‘zbekistonda anomal issiq havo harorati kuzatilmoqda
Neymarning o'rnini bilintirmayotgan futbolchi
Facebook o'z lentasida OAV yangiliklarini kamaytiradi
G'ijduvon va Urgutda Qur`on musobaqasi g'oliblari aniqlandi
Eron Turkiyaga ultimatum qo'ydi
AQShda hukumat moliyalashtirilishi to‘xtatilishi tufayli Ozodlik haykali sayyohlar uchun yopildi
2018-yilda O‘zbekistonda barcha telefon raqamlari “7 raqamli” tizimdan “9 raqamli” tizimga o‘tkaziladi
«Huawei»ning yangi texnologiyasi smartfonlarni 5 daqiqada quvvatlaydi
«iPhone X»ga talab past. «Apple» uni ishlab chiqarishdan to‘xtatishi mumkin