Тошкент кўчаларидаги реклама ва эълонлар тартибга келтирилади



Тошкент шаҳар ҳокими Раҳмонбек Усмонов 19 март куни "Тошкент шаҳри кўчалари, бино ва иншоотларидаги реклама, эълон ва турли ахборотларни тартибга келтириш бўйича қўшимча чора-тадбирлар тўғрисида”ги қарорни имзолади. Қарор матни 1 апрель куни "Тошкент оқшоми” газетасида эълон қилинди ва шу кундан кучга кирган ҳисобланади.

Қарорда қайд этилишича, шаҳар кўчалари, хиёбонлари, бино ва иншоотлари, ёритиш устунлари, савдо ва хизмат кўрсатиш объектларига жойлаштирилган айрим реклама, эълон, ёзув ва турли ахборотларда "орфографик хатолар бор, улардан иккиламчи ва маънавиятимизга зид маънолар келиб чиқмоқда”.

Бундан ташқари, «Давлат тили тўғрисида»ги, «Лотин ёзувига асосланган ўзбек алифбосини жорий этиш тўғрисида»ги ва «Реклама тўғрисида»ги Ўзбекистон Республикасининг қонунларида белгиланган талаблар бузилаётганлигини инобатга олиб, шаҳар ҳокимлиги Тошкент шаҳар Маънавият ва маърифат Кенгаши аъзоларининг ушбу камчиликларни бартараф этиш юзасидан билдирган таклифларини маъқуллаган.

Туман ҳокимликларига беш кун муддат ичида Ички ишлар бош бошқармаси, Давлат солиқ бошқармаси, Архитектура ва қурилиш бош бошқармаси, Ер ресурслари ва давлат кадастри бошқармаси, Ободонлаштириш бош бошқармаси, Савдо, хизмат кўрсатиш соҳаси ва халқ истеъмол моллари департаменти, Хусусийлаштириш, монополиядан чиқариш ва рақобатни ривожлантириш Тошкент шаҳар ҳудудий бошқармаси, Ўзбекистон Савдо-саноат палатаси Тошкент шаҳар ҳудудий бошқармаси ва мутасадди ташкилот вакилларидан иборат ишчи гуруҳлари тузиш ҳақида кўрсатма берилган.

Ишчи гуруҳларига эса тумандаги бино ва иншоотлар, савдо, умумий овқатланиш ва хизмат кўрсатиш объектлари ташқи томони ва атрофига жойлаштирилган реклама, эълон ва ахборотлардаги матн, ташқи дизайни ва ҳажмини ўрганиб чиқиш вазифаси юклатилган. Орфографик хатолар билан ёзилган, «Давлат тили тўғрисида»ги, «Лотин ёзувига асосланган ўзбек алифбосини жорий этиш тўғрисида»ги қонунлар, архитектура талаблари ва "маънавиятимизга зид” реклама, эълон ва ахборотларни тартибга келтирилиши керак.

Ушбу ишчи гуруҳлар тадбиркорлик субъектларига ўрнатиладиган реклама, эълон ва ахборотлар архитектура ва қонун талабларига жавоб бериши, матнларнинг давлат тилида тўғри ёзилиши ҳамда акс эттирилган кўринишлар "маънавиятимизга мос бўлиши лозимлигини” тушунтириш ҳамда мазкур тарғибот воситаларини жойлаштиришдан аввал, матнлар пухта текширилиши лозимлигини тавсия этишлари керак.

Қарорда қайд этилишича, ташқи реклама, эълон ва ахборотларни маданий мерос объектлари, ташқи ёритиш устунлари, йўл белгилари ва светофорларда, уларнинг тиргакларида ёки ҳаракатни тартибга солиб турувчи бошқа ҳар қандай қурилмаларда, шунингдек дов-дарахтларни пайҳон қилиш ва туташ ҳудуддаги ободонлаштириш воситаларини бузиш йўли билан жойлаштириш тақиқланган.

Ишчи гуруҳлари "қонун ҳужжатларига зид бўлган, бино ва иншоотлар, савдо, умумий овқатланиш ва хизмат кўрсатиш объектлари пештоқларидаги орфографик хато билан ёзилган ёзувлар, тарғибот воситалари, иккиламчи маъноли сўзлар ва маънавиятимизга тўғри келмайдиган суратларнинг жойлаштирилишини олдини олиш чораларини кўриши” керак.

Ишчи гуруҳлар томонидан белгиланган вазифалар амалга оширилиши бўйича йўналиш хариталари ишлаб чиқилиб, бажарилган ишлар ҳар ҳафтада муҳокама этиб борилсин ва назоратга олиниши керак.

«Тошшаҳартрансхизмат» акциядорлик компанияси, Ички ишлар бош бошқармасининг Йўл ҳаракати хавфсизлиги бошқармаси, махсус жамоатчилик гуруҳи билан биргаликда шаҳардаги жамоат транспортларида жойлаштирилган реклама, ахборотлар, ёзувлар ва номларнинг матнлари ҳамда дизайнини ўрганиб чиқиб, камчиликларни бартараф этиш ҳамда амалдаги қонунчиликка мос бўлишини таъминлаш бўйича чора-тадбирлар кўриши керак.

"Юридик ва жисмоний шахсларга тегишли транспортларда жойлаштирилган реклама, ахборот воситалари, ёзувлар ва номларнинг матнларидаги қонунбузилиш ҳолатлари юзасидан Вазирлар Маҳкамасининг 2005 йил 12 октябрдаги 225-сон қарори талабларига мувофиқ чоралар кўрилиши инобатга олинсин”, – дейилади ҳоким қарорида.

Шаҳар ҳокими қарорига мувофиқ, туман ҳокимликлари, Ободонлаштириш бош бошқармаси, Тошкент шаҳар Табиатни муҳофаза қилиш қўмитаси, «Тошшаҳарнур» ДУК билан биргаликда шаҳар кўча ёритгичларининг таянчлари ва дарахтларни турли мавзулардаги эълонлардан тозалаш ишлари амалга оширилсин.

Тошкент шаҳар Архитектура ва қурилиш бош бошқармаси, Ободонлаштириш бош бошқармасига эса фуқаролар шахсий эълонларини жойлаштириши учун махсус стендлар намуналари лойиҳаси ишлаб чиқилсин ҳамда улар ўрнатиладиган жамоат жойлари бўйича таклифлар киритиш вазифаси юклатилган.



Комментарии (5) | Добавить: 02.04.2015
5. din_din1995 (04.04.2015 21:46)
Xar doimgide birinchi xatolikla qilinadi keyin tög'irlawadi.
4. snt14 (04.04.2015 16:25)
Yö man asabiylawiwga asabiylawmadim. Endi butun xalq wu reklamani orqasidan biznes qiladi. Wungayam tevotide bula. Undan köra wulaga qiladigan xarajatlani yöl tamirlawgan va bowqa iwla qiliwga norm qaror qabul qisa böladiku. Yana özi bladi
3. din_din1995 (03.04.2015 21:29)
Snt bu qarordan qattiq asabiylawganiz bilindi, lekin gapizga qöwilaman yöllarimiz maqtov darajasida emas
2. snt14 (03.04.2015 13:10)
OKa uzuru qatti bo'midigan ishlani qimasdan bu hokimla yo'llani to'g'irlashga qaror qabul qisin, o'zini ko'rsatadigan norm ishla qisa bo'midimi xadib soqqani o'ylavurmi
1. Babnik (02.04.2015 23:30)
Yashang
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Barmoqlar orqali kayfiyat va organizmni boshqarish usullari
Markaziy bank raisi Fayzulla Mullajonov vafot etdi
Baland poshnada to‘g‘ri yurish qoidalari: 7 maslahat
Samsung o'ta noyob displeyni namoyish etdi
Otabek Mirzayevdan dan Premyera
Ummon guruhi sudga berilmoqda. Sabab?
O‘zbekiston va AQSh prezidentlarining barcha uchrashuvlari
Yuz terisini tozalashning 6 usuli
Homilador ayollar uchun eng zararli oziq-ovqatlar
Oyoqdagi quruq qadoqlar qanday paydo bo‘ladi va ularni qanday yo‘qotish mumkin?
Messi «Real» haqli chempion bo'lganini tan olgan
Rossiyada migrantlar uchun jarimalar oshirilishi mumkin
AQSh Ukrainaga bepul harbiy yordamni bekor qilishi tasdiqlandi
O'zbekistonda Uzcard raqobatchisi paydo bo'ladi
Fast-fuddan voz kechish qoidalari
Uyqu to‘g‘risidagi eng qiziqarli haqiqatlar
Azamat Ahrorovning 200 mingdan ziyod obunachisi bo‘lgan Instagram-akkaunti “o‘g‘irlandi”. “Qaroqchilar” aktyordan 350 dollar talab qilmoqda
Shavkat Mirziyoyev Ar-Riyodda Donald Tramp bilan uchrashdi
Rossiya ichki ishlar vaziri Vladimir Kolokoltsev O'zbekistonga keldi
Go'sht nega qimmatlashdi?
O'qituvchi bir kunda 6 soatdan ziyod ishlashi mumkin emas
Sergeli avtomobil bozoridagi narxlar e`lon qilindi (21.05.2017)
Nima uchun yaxshi uyqu erkaklar salomatligi asosi hisoblanadi?
40 yoshga to'lgunga qadar to'xtatilishi kerak bo'lgan xatolar
22-may kunida sodir bo'lgan voqealar
Uy sharoitida chizkeyk tayyorlaymiz
Shavkat Mirziyoyev sammitda markaziy osiyolik prezidentlar davrasida (Foto)
Toshkent IIBBda otliq otryad tashkil etiladi
Olimlar immunitetni saraton hujayrasini o'ldirishga majburlovchi antitela ishlab chiqishdi
Xorazmda SMS-xabar tufayli tanishini pichoqlagan shaxs jazoga tortildi