Тошкент шаҳри пиёдалар ўтиш жойларида йирик ойналар ўрнатила бошланди

Тошкент шаҳри йўлларининг пиёдалар ўтиш жойларида махсус пиёдалар ўрнатила бошланди. Булар йўллардаги хавфсизликни ошириши керак.

Шундай ойналарнинг биринчиси пойтахтнинг Кичик Халқа йўлининг Боткин қабристони яқинида ўрнатилган. Юмалоқ ва сферик ойна ҳайдовчига пиёдалар ўтиш йўлагини тўлиқ кўриш имконини беради. Шу билан йўл ҳаракати ходисасининг олдини олишга ёрдам беради. 

Айтиш жоизки, шаҳарнинг марказий кўчаларининг ўртасига панжаралар тортилгач, йўл чеккаси, кўчани кесиб ўтмоқчи бўлган пиёдалар умуман кўринмай қолган эди. Бу ҳолат ҳайдовчи учун гўёки пиёда бехосдан чиқиб келаётгандек тасаввур уйғотар эди. 

Бундан ташқари, пиёда ўтиш жойи қаршисида тўхтаган автомобил ортида келаётган ҳайдовчи ҳам олдини яхши кўрмас эди. Бундай ойналарнинг ўрнатилиши билан бу каби муаммоларга барҳам беради. 

Маълумки, 1 мартдан бошлаб, Ўзбекистон йўл ҳаракати қоидаларига қатор ўзгартиришлар киритилди. Жумладан, пиёдалар йўлни кесиб ўтаётганда диққатни чалғитувчи ҳаракатларни амалга ошириши, хусусан, қулоқчин ишлатиш, телефонда суҳбатлашиш каби ишлар билан шуғулланишлари мумкин эмас.


Комментарии (0) | Добавить: 13.05.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]