Тошкентда аёл ҳайдовчилар бошқарган Nissan ва Captiva иштирокида йирик ЙТҲ содир этилди

24.03.2016

3761

23 март куни Тошкент шаҳрининг Шевченко ва Нукус кўчалари туташган йўлда йирик ЙТҲ содир бўлди. Бу ҳақда Facebook'даги “Водители Ташкента” гуруҳи аъзолари маълум қилган.

Қора рангда бўлган Nissan Altima ва Captiva иштирокидаги йўл-транспорт ҳодисасига ижтимоий тамроқлардаги фойдаланувчиларнинг фикрича, Nissan ҳайдовчиси айбдор бўлган, ҳайдовчи қизил чироқ ёнганига қарамасдан ҳаракатланишда давом этган. Гуруҳ аъзоларининг тахминига кўра, Nissan’ни аёл киши бошқарган. ЙТҲда икки машинага ҳам жиддий зарар етган. Nissan Altima аввал Captiva’га, сўнг йўл четидаги тўсиқларга бориб урилган. Captiva эса мувозанатни сақлай олмай ағдарилиб қолган.

Воқеа жойига зудлик билан ЙПХ ходимлари етиб келган. ЙТҲ оқибатида ҳалок бўлганлар ва жароҳатланганлар ҳақида аниқ маълумотлар йўқ.