Toshkentda fuqaro ichki ishlar organlari xodimiga tan jarohati yetkazdi

03.09.2018

1009

31 avgust kuni Toshkent shahrining Yashnobod tumanida yashovchi D.G. uyida janjal qilayotganligi haqidagi xabarga asosan voqea joyiga uch nafar tuman ichki ishlar organlari faoliyatini muvofiqlashtirish boshqarmasi xodimlari yetib kelgan.

IIV axborot xizmatining xabar qilishicha, boshqarma xodimlari fuqaro D.G.ni tartibga chaqirgan vaqtlarida u uyidan pichoq olib chiqqan va xodimlarni o‘ldirish bilan qo‘rqitib, ularga faol qarshilik ko‘rsatgan. Shuningdek, u xodimlardan birining yuziga qo‘llari bilan urib jarohat yetkazgan.