Toyota IShID uning mashinalarini qanday qilib qo'lga kiritayotganini o'rganadi

Yaponiyaning Toyota Motor Corp korporatsiyasi IShID guruhining qo'liga uning mashinalar qanday qilib tushayotganini batafsil o'rganishga kirishadi. Bu haqda kompaniyaning AQSh bo'linmasi rahbariga tayangan holda Kyodo agentligi xabar bermoqda.

Kecha ushbu masala jiddiy tarzda muhokama qilinayotganidan xabar berilgan edi. AQSh moliya vazirligining aksilterror bo'linmasi kompaniyaga so'rov kiritib, IShIDning qo'liga ushbu rusumdagi mashinalar qanday etib borayotganini so'ragan edi. Kompaniya vakillari, o'z navbatida, bundan mutlaqo bexabar ekanliklarini aytgandilar.

IShID jangarilarining qo'lida minglab Toyota’lar borligi taxmin qilinadi. Terrorchilar tarqatayotgan videolarda odatda mana shu mashinalar ko'zga tashlanadi.