Tramp Putin bilan o‘zaro chiqishib ketishiga amin emas

AQSh prezidenti Donald Tramp rossiyalik hamkasbi Vladimir Putin bilan munosabatlari izga tushib ketishiga hozircha amin emas. Bunday fikrni u FoxNews telekanaliga bergan intervyusida aytib o‘tdi, deb yozadi “TASS”.

Oq uy xo‘jayiniga u Rossiya prezidentiga nisbatan hurmat bilan munosabatda bo‘lishda davom etish-etmasligi haqida savol berildi. “Shunday deyaqolay: Rossiya bilan murosa qilmagandan ko‘ra, murosa qilgan yaxshiroq. Agar Rossiya bizga IShID bilan, butun dunyodagi terrorizm bilan kurashda yordam bersa, bu yaxshi bo‘ladi”, — deb javob berdi Tramp.

“U bilan chiqishib keta olamanmi? Mutlaqo bilmayman”, — deya qo‘shib qo‘ydi respublikachi.

Unga G‘arbning Rossiya va uning rahbariyatiga qaratilgan ayblovlarini eslatishganida esa Tramp AQShni axloq jihatidan benuqson tomon deb bo‘lmasligini ta’kidladi. “Siz o‘ylaysizki, bizning mamlakatimiz begunohmi?” — deya ritorik savol berdi u.


Комментарии (0) | Добавить: 05.02.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]