Tramp saylovlardan keyingi ilk intervyusini berdi

12.11.2016

1266

AQShning saylangan prezidenti Donald Tramp 8 noyabrda bo'lib o'tgan prezidentlik saylovlaridan keyingi birinchi intervyusini berdi, deb yozmoqda The Wall Street Journal nashri.Trampning aytishicha, endilikda uning vazifasi, anchagina keskin ruhda bo'lib o'tgan saylovoldi kampaniyasi va saylanganidan norozi bo'lganlarning namoyishlaridan so'ng, mamlakatni birlashtirishdir.

«Men fuqarolari bir-birini yaxshi ko'ruvchi mamlakatni ko'rishni xohlayman», — degan Tramp.

Shu bilan birga, saylovoldi kampaniyasi chog'ida Tramp o'z so'zlarida haddan ortiq qo'pollashib ketmadimi?, degan savolga yangi prezident: «Yo'q, men g'alaba qozondim», - deya javob qaytargan.