Suriyalik jurnalist va dokumentalist Naji al-Jerf Turkiya janubi-sharqida otib ketildi. Bu haqda Sputnik xabar berdi.
Ushbu ma'lumotni “Raqqani sekin-asta o'ldirmoqdalar” tashkiloti ham tasdiqladi.
“Rejissyor, ikki farzandning otasi Naji al-Jerf bugun Turkiyada, G'oziantepda otib o'ldirildi”, - deb xabar berildi tashkilotning Twitter’i orqali.
Jurnalist ayni kunlarda IShID guruhining jinoyatlari haqida hikoya qiluvchi film ustida ishlayotgan edi.
Ilgari u Suriya urushi haqida film chiqargan edi. Bundan tashqari, al-Jerf Hentah gazetasining bosh muharriri edi.