Turkmaniston Prezidenti qurilish vazirini pora olgani uchun ishdan bo'shatdi

Туркманистон Президенти Гурбангули Бердимуҳамедов Чори Атоевни Туркманистон қурилиш ва архитектура вазири лавозимидан озод қилди.
 
Бунга асосий сабаб сифатида ишда йўл қўйилган жиддий хато ва камчиликлар кўрсатилган. Давлат раҳбари ушбу қарорни ҳукуматнинг 2017 йилнинг биринчи ярим йилиги якунига бағишланган мажлисда эълон қилган.
 
Мажлис давомида иқтисодга оид жиноятга қарши кураш бошлиғи Мамметхон Чакиев чиқиш қилган ва қурилиш ва архитектура вазирлигида коррупцион жиноятлар фош этилганини айтиб ўтган.
 
Чакиевнинг айтишича, бу жиноятларда вазирга яқин кишилар алоқадор бўлган. Улардан пора олиб юқори мансабларга тайинлаган ва вазирликнинг буюртмаларига кўра қурилиш ишлари ҳам хусусий ташкилотларга сотилган.
 
Бердимуҳамедов ишдан олиш ҳақидаги қарорга қўл қўя туриб, Туркманистонда порахўрликка йўл қўймаслигини жиддий оҳангда таъкидлади.


Комментарии (0) | Добавить: 09.07.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]