У нас есть только
оригинальные песни

Uch haftada tanani ko'rkam etish yo'li bor. Ayni haqiqat!

calendar 04.06.2015
3765

Ёз бошланишига оз фурсат қолди, сиз эса ўзингиз орзу қилган кўркам танага эга бўла олмадингиз. Йигитлар ўртасида — тренажёр залига бормоқчи бўлсанг, куз ва қиш пайтларида боргин, кунлар исиши билан енгил кийимга ўтганингда қоматинг чиройли бўлиб туради, деган гап юради. Аммо кунлар исишни бошлади ва сизда вақт йўқ. Хўш, нима қилмоқ керак? Бундай вазиятда олдингизда икки йўл туради: биринчиси, тушкунликка тушиб ҳар доимгидек бирорта фастфудга кирасиз ва ўзингизга кола буюртирасиз, иккинчиси эса, маслаҳатларимизга амал қиласиз ва уч ҳафта деганда қоматингиз кўркамлигига эришасиз. Биз сизга бор йўғи йигирма кунда улкан натижаларга эришиш мумкин бўлган сирлар ҳақида сўз юритамиз, шундай экан, бир қоп картошкага ўхшаб юришни йиғиштириб, сўзимизга қулоқ осинг.

Шўнғинг!

Уч ҳафта олиб бориладиган дастур давомида мускулларни машқ қилдириш ва кардиомашғулотлар ўтказишингиз учун сизга анча-мунча озуқа керак бўлади. Биринчи галда, машғулотлар рўйхатига сузишни қўшинг. Чунки у орқали барча мушакларингизга куч жўнатасиз. Танангиз бор бўйи бўйича ҳаракатланади ва бундан ҳам жисмоний, ҳам руҳий қувват оласиз.

Доимий равишда юракка эътибор

Ўта максимум даражада қўлланадиган дастуримизда юрагимизга жиддий эътибор бериш талаб этилади. Бу ҳолатда бизга югуриш, велосипед ёки сайр кўмакчи бўлади. Айнан шу йўл билан метаболизмни жадаллаштирамиз ва қисқа вақт оралиғида кўзлаган мақсадимизга етамиз.

Калория масаласи

Жисмоний машқлар кўпайгани сари, иштаҳамиз ҳам очила боради. Ортиқча ёғлардан қутилиш учун, сарфлаганга қараганда камроқ калория тўплаш керак. Бунинг учун оқсилли ва углеводли маҳсулотларни камроқ истеъмол қилиш зарур.

Оз-оздан овқатланиш

Бир кунда орасини уч соатли танаффус қилиб, оз-оздан беш-олти марта овқатланинг. Бу яна бир бор метаболизмни жадаллаштиради ва  қондаги қанд миқдорини меъёрий кўринишга келтиради.

Кўпроқ сув ичинг

Бир кунда энг камида 2 литр сув ичинг. Чунки чанқаш бир қанча муаммоларни келтириб чиқариши ва саъй-ҳаракатларни зое кетказиши мумкин.

Пресс устида иш олиб боринг

Ҳар кунлик қилинадиган бундай машқлар тезда ўз самарасини беради ва сизни янада илҳомлантиради.

Стретчинг

Ҳар кунги беш дақиқали стретчинг қон айланишини яхшилайди ва мускулларни бир маромда гўзаллаштиради.

Дам олиш

Кўпроқ ухласангиз, шунча яхши кўринишга эга бўласиз. Яхши машқлар, сифатли таом ва етарли уйқу — сизни атлетлардай кўринишингиз учун етарли бўлади.

Алкоголдан мутлақо юз ўгиринг

Бир ҳафтада икки шиша пиво ичсангиз, тамом, барча ишлар барбод бўлади. Ишонинг, бу билан ҳеч нарсага эриша олмайсиз. Эҳтиётлик билан тикланаётган организмингиз, бирдан вайронагарликка юз тутади. Шундай экан, бундай одатни ташланг ва соғлом турмуш тарзига юз буринг.

Озроқ қаҳва

Машғулотлардан олдин бир ёки икки чашка қаҳва ичиб олинг. Кофеин танадаги ёғларни эритиб юборади ва мушакларда кўп миқдордаги гликогеннинг сақланишига сабаб бўлади.

Роҳатланинг

Уч ҳафталик мунтазам олиб борилган машғулотлар, албатта, ўз сўзини айтади. Агар сиз барча тартиб-интизомга қатъий амал қилган бўлсангиз, унда ўзингизни роҳатланишдан чекламанг. Икки-уч кунга табиат қўйнида дам олиб келинг.

XABARDOR.UZ / Сарвар Анвар ўғли тайёрлади.
Яндекс.Метрика