Уй-жой харид қилаётганда алданиб қолмаслик учун керак бўладиган тавсиялар

Уй бозорида ишончли, давлат томонидан ўрнатилган тартиб-қоидаларга қатъий риоя қилган ҳолда фаолият кўрсатаётган риэлторлик ташкилотларидан ташқари, сохта “тадбиркорлар” ҳам бор. Айрим ана шундай “тадбиркорлар” ноқонуний фаолият кўрсатиш билан бир қаторда, содда, ишонувчан кишиларни турли усуллар билан алдаб, фирибгарлик йўли билан даромад топишни ҳам ўзларига касб қилиб олган.

Қуйида эътиборингизга ҳавола этилажак маслаҳат ва тавсияларга риоя қилсангиз, уйингизни сотиш, янги хонадон сотиб олиш ёки ижара масалаларида доғда қолмайсиз, деган умиддамиз.

Тажрибали мутахассислар огоҳлантиради: сергак бўлинг!

Устаси фаранг уй-жой сотувчиларнинг асосий мақсади харидорларни “хўрак”ка илинтириш. Кенг тарқалган усулга кўра, улар яхшигина таъмирдан чиқарилган, қулай ҳудудда жойлашган, нархлари ҳам айнан сизбоп, аслида эса ҳеч қаерда мавжуд бўлмаган уйнинг таърифу тавсифларини келтириб эълон беради. Уларнинг “қармоғи”га илинишингиз билан эълонда айтилган уй харидорини топиб кетгани, сизга эса бошқа, аммо сал бошқачароқ вариант таклиф қилинади. Излаб-излаб топганингиз шу бўлгани боис, у айтган шартларга беихтиёр рози бўлиб қўяқоласиз.

“Тўрга илинтириш”нинг яна бир машҳур усули уй-жойлар нархини арзонлатиб қўйиш (ҳар бир туман ва уй турлари бўйича биттадан). Қўшимча тўлов ёки шартлар эса учрашганда, келишув вақтида ошкор қилинади. Бу пайтда сиз уйни кўриб бўлган, кўнглингизга маъқул келган бўлади.

Айримлар эса интернет орқали турли форум ва гуруҳларда эълон бериб, бошқа ўнлаб сохта профиллари орқали ўз-ўзи билан суҳбатлашади. Бу суҳбат қуйидагича кечиши мумкин:

1-фойдаланувчи: Фалон манзилдаги икки хонали уйимни бунчага сотаман.

2-фойдаланувчи: Қизиқ таклиф, менга телефон рақамингизни беринг.

3-фойдаланувчи: Менга ҳам...

Шундай қилиб харидорлар ўртасида сунъий рақобат пайдо қилинади.

Яна бир кенг тарқалган алдовга кўра, мижозга бундай қулайликларга эга уй бозорда йўқ экани, бир неча мижоз уни сотиб олиш (ижарага олиш) истагида экани айтилади. Натижада, ишонувчан харидор ёки арендатор биринчи кўрсатилганидаёқ шартнома имзолашга тайёрлигини маълум қилади. 

Яна бир айёрлик усулида сотувчи уй-жойга оид айрим камчилик ва ноқулайликларни атайин тилга олиб ўтмайди. Масалан, кўп қаватли уйнинг лифти тез-тез бузилиши, энг юқори қават томидан чакка ўтиши мумкинлиги, гоҳида уй атрофида шовқин-сурон ёки кўнгилсизликлар содир бўлиб туриши ва ҳоказо. Бу каби камчиликлар кўзга ташланмаслиги учун атайин қулай фурсат танланиши, жой мижозга маъқул келганидан сўнг дарҳол кафолат пули олиб қўйилади. Дейлик, тажрибали сотувчи катта магистрал яқинидаги хонадонни пуллаш учун харидорни қаттиқ шамол эсаётган ёки кўчада қатнов нисбатан сийрак вақтда олиб бориши мумкин.

Бу борада энг кенг тарқалган фирибгарликлардан бири сотаётган ёки ижарага бераётган шахс хонадоннинг эгаси бўлмайди. Оддий мисол: уй эгаси бирор хусусий “тадбиркорга” хонадонини сотиб беришни ишониб топширади. Сохта “тадбиркор” эса унга вақтинчалик ижарачилар топиб, кунлик ёки бир неча ойлик ижара пулини ўзлаштириб юборади.

Шу боис ўзини риэлтор сифатида кўрсатаётган кишининг ҳужжатлари, яъни тегишли сертификат мавжудлигига, унинг қайси риэлторлик фирмасида фаолият кўрсатишига хамда ушбу риэлторлик ташкилотнинг тегишли лицензияси борлигига эътибор қаратинг.

Ижарага олишдан аввал тўловни дарҳол олдиндан амалга оширмасликка ҳаракат қилинг. Тегишли шартномалар имзоланиб, ўртада турган воситачи ўз вазифаларини тўлиқ адо этганидан кейингина келишилган пулни тўланг.

Ҳужжатлар, турар-жойни кўздан кечиришда шошилманг. Чунки сотувчи айрим жиҳатларни пайқаб қолмаслигингиз учун атайин сизни шошилтириши, вақти зиқлигини рўкач қилиши мумкин.

Кўчмас мулк объектини харид қилар экансиз, унинг жойлашган ҳудудини яхшилаб ўрганинг, энг яхшиси, куннинг турли вақтларида икки маротаба бориб кўринг.


Комментарии (0) | Добавить: 22.02.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Muhammad payg‘ambar (s.a.v.) sevgan 10 ta oziq-ovqat
Shohruhxon va Asal Shodiyevadan yangi fotosessiya
Apple’ning yangi egiluvchan smartfoni haqida batafsil ma’lumotlar paydo bo‘ldi
Moskva sudi Telegram’ni FXX talabini bajarmagani uchun 14 ming dollar jarimaga tortdi
Ramzan Qodirov shayx Muhammad Sodiq Muhammad Yusuf hazratlari​ning qabrini ziyorat qildi
Qirg'izistonning yangi prezidenti Sooronboy Jeenbekov, uning oilasi va qarindoshlari haqida nimalar ma`lum?
Qanday qilib uyqudan yaxshi kayfiyat bilan uyg‘onish mumkin?
Qualcomm Xitoyda iPhone ishlab chiqarishni taqiqlashni talab qildi
Alisher Usmonov o'z samolyotini O'zbekiston prezidentiga ijaraga bergan
Mirziyoyev elektr energiyasi va tabiiy gaz bo'yicha yig'ilish o'tkazdi
BMT: dunyoda 815 mln odam och qolmoqda
Shakardan voz kechishning 3 usuli
Jahon chempionati uchrashuvini ilk marta ayol hakam boshqaradi
Neymar eng yaxshi futbolchi sifatida Messini ortda qoldirdi
Telegram’ning rus tilidagi yangi versiyasi ishga tushdi
Sirdaryoda 2 nafar fuqaroning noqonuniy baliq ovlashi salkam 25 mln so‘mga tushdi
Dubay aeroportida yuzni aniqlovchi virtual tunnel-akvarium paydo bo‘ladi
Telefon suvga tushsa nima qilish kerak?
Hindistonda oq yo'lbarschalar park xodimini g'ajib tashladi
O'zbekiston​ 2020 yilgi MDH raisligiga da`vo qilmoqda
Las-vegaslik merganning miyasi o'rganildi
Messi tarixga kirdi
Miyani chiniqtiruvchi 5 ta jismoniy mashq
Bo‘ysunmaydigan sochlarni qanday uddalash mumkin?
Shavkat Mirziyoyev Sochiga jo‘nab ketdi
Turkmanistonda gaz, elektr va suvdan bepul foydalanish bekor qilinadi
FIFA prezidenti Infantino Maradona va Messini taqqoslab ko'rdi
Putin bir-biriga juda o‘xshash bo‘lgan gubernatorlarni tayinlashda davom etmoqda
Milliy xavfsizlik xizmati bir necha yirik valyutafurushlarni qo'lga oldi
Uyi yoki mashinasini dollarda sotganlarga qanday jazo bor?