Ukrainada ilk marotaba uch ota-onadan farzand dunyoga keldi

19.01.2017

2353

Январь ойининг илк ҳафтасида Украинада илк марта уч ота-онанинг фарзанди дунёга келди. Бу ҳақда “Голос.ua” хабар бермоқда. 

Репродуктив тиббиёт клиникаси директори Валерий Зукиннинг айтишича, она ва отанинг ядро ДНКси генетик тўплами (25 мингга яқин ген) ва донорнинг ситоплазма ДНКсини (37 та ген) ўз ичига олган қайта тикланган тухум ҳужайра ҳосил қилинган. Яъни чақалоқ уч кишининг генига эга

Нашрнинг таъкидлашича, 34 ёшли аёл охирги 15 йил давомида фарзанд кўра олмаган. Ушбу технология аноним донор аёлнинг ДНКсини онанинг тухум ҳужайрасига кўчириб ўтказишни кўзда тутиб, 2000 йилларнинг бошида Буюк Британияда кашф этилган.

Чақалоқни бу каби ҳомиладорлик орқали дунёга келтириш Украина қонунчилигида кўзда тутилмаган. Клиника ушбу жараён аёл ўз хоҳиши билан тажрибада иштирок этганлиги учун текинга амалга оширилганлигини қўшимча қилди. Шифокорлар ота-она ва боланинг шахси ҳақидаги маълумотларни ошкор этмади.

Маълумотларга кўра,бу усул 37 ёшдан катта, ҳомиласи ривожланмайдиган аёлларга тавсия этилмайди.