Ummon guruhining konsertidan reportaj

Ўзбек шоу-бизнесида гуруҳ сифатида фаолият юритаётган ижодкорлар кўп. Улар орасида “Уммон” гуруҳи бугун энг машҳурларидан бири, десак муболаға бўлмайди. Бундан 7-8 йил илгари қўшиқлари фақатгина қўл телефонлари орқали тарқалган йигитлар, бугун чин маънода таниқли хонандаларга айланишди. Вилоятлар бўйлаб берилган тинимсиз концертлар, ҳар ҳафта тингловчиларга тақдим этилган янги қўшиқлар, таниқли хонандалар билан айтилган дуэтлар уларнинг мушҳурлигини бир неча йилга мустаҳкамлади.
 

“Уммон” гуруҳининг 1-2 июнь кунлари “Истиқлол” санъат саройида бўлиб ўтиши режалаштирилган “Ҳаммамиз бирга” номли концерт дастурига “Qalampir.uz” жамоаси ҳам таклиф этилди. Демак, концертнинг биринчи кунидан репортажни эътиборингизга ҳавола этамиз.
 

Томошабин
 
“Уммон”  ҳеч шубҳасиз, ёшларнинг, айниқса, мактаб, академик лицей ва касб-ҳунар коллежлари ўқувчиларининг севимли гуруҳи саналади. Концертга йиғилган томошабинларнинг аксарияти ҳам 10 ёшдан 25 ёшгача бўлган йигит қизлар эди. Тўғрироғи, томошабинларнинг 80 фоизини ўсмир қизлар ташкил этди. Албатта, залдаги меҳмонлар орасида 30-35 ёш атрофидаги томошабинларга ҳам кўзимиз тушди. Ёши 60дан ўтган отахон эса “Уммон”чиларнинг қўшиқларига чунонан рақсга тушдики... Бу ҳақда бироз кейинроқ.
  
Декорация
 
Сўнгги вақтларда “Истиқлол” санъат саройида тақдим этилаётган аксарият концерт дастуриларида деярли бир хил декорациядан фойдаланиляпти. Албатта, шоу тарзида ўтадиган концерт дастурларида катта ўлчамдаги мониторлар, турли ранглардаги чироқлар асосий ўринни эгаллайди, бироқ уларни дид билан жойлаштириш, ўлчамларини ўзгартириш, бирор шаклларни ясаш ҳам аҳамиятга молик. “Уммон”нинг концерт дастурида декорацияда унчалик катта янгилик кўринмади. Мавлуда Асалхўжаева, Гулсанам Мамазоитова ва Бахром Назаровнинг концерт дастурларида ҳам мониторлар шу шаклда жойлаштирилган, саҳнанинг поли ҳам деярли шундай кўринишда бўлганди.

Қўшиқлар ва мухлислар
 
Томошабинлар гуруҳни қарсаклар билан кутиб олиб, илк қўшиқларданоқ уларга жўр бўлишди. Концертда жами 24 та қўшиқ ижро этилган бўлса, улардан 15 таси янги қўшиқлар эди. Дастурнинг биринчи блокида асосан сокин тароналар ижро этилди. Иккинчи ва учинчи блокларда эса шўх қўшиқларга эътибор қаратилгани сезилиб турди. Блоклар орасидаги танаффуслар шу қадар пухта режалаштирилганки, томошабинлар йигитлар қачон саҳнани тарк этиб, либосини ўзгартириб чиққанини сезмай ҳам қолди. Танаффус вақтидаги мусиқалар ҳам гуруҳ ижро этган қўшиқларга ҳамоҳанг бўлди.
 
Концертда “Қандай унутдинг?”, “Денгиз”, “Тола”, “Топи”, “Дона-дона” каби мухлисларга аллақачон ёд бўлиб кетган қўшиқлар ҳам куйланди. Хонанда Шаҳзода билан куйланган дуэтни эса мухлислар олқишлар билан кутиб олишди.

Шуни алоҳида таъкидлаш ўринлики, “Уммон” гуруҳининг концерт дастурига ашаддий мухлислар тўплангани сезилиб турарди. Залда ўтирганларнинг деярли 80 фоизи гуруҳни тик туриб қўллаб-қувватлади. Ўриндиқлар атрофи эса рақсга тушаётганлар билан тўлиб кетди. Қўшиқларнинг айрим қисмларини томошабинлар жўр бўлиб куйлашди. Биринчи қаторда ўтирган таниқли хонандалар эса мухлисларнинг иштиёқини ва гуруҳга бўлган мухлислик муҳаббатини кўриб, ҳаваси келган бўлса, ажаб эмас.
 
Шу куни кўпчиликнинг ўриндиғи бўш қолди. Боиси одамлар иштиёқи, завқи ичига сиғмай концертни тик туриб томоша қилди. Кези келганда рақсга тушишди, сокин тароналарда эса қўлни қўлга бериб, қўшиққа ҳамоҳанг тарзда тебранишди. Ёши 60дан ўтган отахоннинг рақси залдаги томошабинлар қатори “Уммон”чиларга ҳам кутилмаган ҳолат бўлди. Сочига оқ оралаган отахон гуруҳнинг қўшиқларига рақс тушаркан, юзидаги табассуми ва қўшиқни жўр бўлиб куйлашидан гуруҳнинг ашаддий мухлиси эканини сезиш қийинмасди.
 Режиссёрлик иши
 Концертда режиссёрнинг ишида қатор камчиликлар кўзга ташланди. Бироқ бу камчиликларни йигитларнинг ўзи “ёпиб” кетишга муваффақ бўлишди. Гуруҳ аъзоларидан Жасурнинг гапга чечанлиги концерт давомида анча қўл келди. Концертда давомида Зоҳид мухлислар билан умуман мулоқот қилмади. Бир оғиз ҳам гапиргани йўқ. Унинг ўрнига ҳам Шоҳруҳ ва Жасур томошибанлар билан мулоқотда бўлиб туришди.
 
Концертда қўшиқларга саҳналаштирилган рақслар бироз тушунарсиз бўлди. Раққосаларнинг либосларида ва хатти-ҳаракатларида ҳам камчиликлар кўп. Устига-устак уларнинг профессионал эмаслиги шундоқ сезилиб турибди. Ҳаракатларда адашиб кетган, бир-бирини такрорлашга уриниб, сафдошларидан ортда қолган раққосалар ҳам топилди. Балки бу уларнинг профессоналмаслиги биланмас, аксинча, концертга қанча вақт тайёргарлик кўргани билан боғлиқдир.
“Уммон”нинг бу йилги концерт дастурида театрлаштирилган чиқишлар бўлгани йўқ. Ўтган йили гуруҳ бунга алоҳида эътибор қаратганди. Айниқса, “Она” номли қўшиққа ишланган саҳна кўриниши кўпчилик мухлисларга манзур келганди.
 
Хулоса ўрнида
 
Концертда куйланган қўшиқлар ва йигитларнинг саҳнада ўзини тутишида камчиликлар кўрмадик. Қўшиқларнинг ҳаммасини мухлислар жўр бўлиб айтгани, рақсга тушгани “Уммон” уларнинг юрагидан жой олиб бўлганидан далолат. Йўл қўйилган камчиликлар эса гуруҳ аъзоларининг эмас, балки концерт ташкилотчилари, режиссёр ва ижодий жамоаникидир. Ҳар ҳолда ўтган йилги концертнинг ташкилий ишлари, декорация ва қўшиқларга саҳналаштирилган рақслари бу йилгидан анча яхши бўлганди.
 
Дарвоқе, гуруҳ айрим қўшиқларни жонли ижрода куйлагани таҳсинга сазовор. Балки келгуси йилларда барча қўшиқларни жонли ижрода куйлашар. 


Комментарии (4) | Добавить: 03.06.2016
4. Zoxa_578 (05.06.2016 17:29)
Iltimoossss reklama qimelaaaa saytilaniii hopp
3. Zoxa_578 (04.06.2016 16:16)
Konsertga borganlagaa kotta raxmat Ummon guruhini wunchalii xurmat qilganila uchun guruh bilan uzo vaqt birga bölila
2. Ummonnifanati (03.06.2016 19:08)
Man bordim supper konsert boldi
1. Zoxa_578 (03.06.2016 01:07)
Konsertga boromadim avvalambor bu narsa haqida UMMON guruhi yigitlari ZOXID SHOXRUX JASUR okalaga uzur manam ummon guruhi muhlisiman umid qilamiz konsert zör ötgan endi buyog'iga awulalani chiqarvuriwsin konsertam öti mana bizani kutiriw yomon
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

Rossiya aviasozlari “so'nggi kun samolyoti”ni yaratishdi
Messi “Barselona” bilan bir umrlik shartnoma imzolaydimi?
Bosh prokuratura o‘z telestudiyasiga ega bo‘ladi
Saudiya Arabistoni hukumati qo‘lga olingan shahzodalarga pul evaziga ozodlikni taklif qilmoqda
Rossiyalik teleboshlovchi Andrey Malaxov ota bo‘ldi
Turkiyaning Van ko‘li ostidan qadimiy qal’a topildi
Siemens’da ommaviy ishdan bo'shatish yuz beradi
O'zbekiston xalqaro ayollar tadbirkorligi kunini nishonlaydi
MIB tomonidan musodara etilgan LADA avtosaloni auksionga qo'yildi
O'zbekistonda qaysi kasb egalarining maoshi yuqori?
OnePlus iPhone X’ga raqobatchi bo'lgan smartfonni taqdim etdi
“Malika” savdo markazida sotilayotgan Samsung smartfonlarining narxlari ma’lum qilindi
Neymarning tovon puli ma`lum qilindi
Ronaldu va Serxio Ramos orasidan ola mushuk o'tdi
General-mayor Abdusalom Azizov Ozarboyjonga tashrif buyurdi
Hindiston hukumati Ivanka Tramp tashrifi oldidan ko‘chalarni 200 dan ortiq tilanchidan tozaladi
9 oy ichida qancha chet ellikka O'zbekistonga kirish vizasi berildi?
Ronaldu «Real»ni tark etish uchun 4ta sababga ega
Yana gaz inqirozimi? Ukrainada gaz narxi 10 barobarga oshdi
Naqd pul bilan bog'liq muammolar hal qilinmoqda, yil oxirigacha 200ta bankomat sotib olinadi
Abdulla Aripov Germaniyaga tashrif buyuradi
O'zbekiston nemis va frantsuz kompaniyalaridan 2 mln hisoblagichlar sotib oladi
Quyoshning Yerga qaragan tomonidan barcha dog'lar yo'qolib qoldi
Ishni o'zgartirish yo'lida to'siq bo'luvchi qo'rquvni qanday yengish mumkin?
Tana haroratidan quvvatlanuvchi aqlli soatlarni yetkazishga start berildi
Xonanda Saida turmushga chiqdi
Xarajatlarni nazorat qilishning eng oddiy va bezarar usuli
Metro yo'l haqi tushiriladimi? «O'zbekiston temir yo'llari» rasmiy xabar berdi
Intizomiy jazo amal qilayotgan vaqtda rag'batlantirishga ruxsat beriladi
Xiaomi smartfonlarining mashhurligiga 5 sabab