UMS aloqa operatorining tarif rejalari haqida ma’lumot paydo bo‘ldi


O‘zbekistonda yangi ochiladigan UMS aloqa operatori dekabrdagi faoliyatini qanday tarif rejalari bilan boshlashi ma’lum bo‘ldi. Bu haqda Facebook’dagi "Potrebitel.uz” guruhi a’zolari xabar bermoqda.

Guruhga joylangan suratlarda tarif rejalarining nusxasi aks etgan. Biroq hujjatlarga imzo yoki muhr qo‘yilmagan.


Xabarga ko‘ra, ushbu tarif rejalari "Start” va "Maksi” deb nomlanadi. "Start” tarifida bir oy uchun abonent to‘lovi 3 dollar (sutkasiga 0,1 dollar), "Maksi”da esa 15 dollarni tashkil etadi. Ularning har ikkalasiga ulanish uchun 1,5 dollarlik to‘lov va SIM-kartaning dastlabki balansini to‘ldirish uchun yana 1,5 dollar to‘lov amalga oshiriladi.

Hujjatlarda har bir tarifdagi kirish va chiqish qo‘ng‘iroqlari, xalqaro qo‘ng‘iroqlar, SMS-xabarlar va mobil internet uchun belgilangan narxlar ko‘rsatib o‘tilgan.

"Start” tarif rejasida UMS abonentlari, O‘zbekistondagi boshqa operatorlar va shahar telefonlariga chiqish qo‘ng‘iroqlari, shuningdek O‘zbekiston ichida SMS-xabar jo‘natish 3 sent, "Maksi”da esa bularning barchasi 2 sentdan belgilangan.


"Maksi” tarif rejasiga har oyda bepul 1000 daqiqa hamda 600 megabayt internet , "Start”ga esa 100 megabaytlik internet paketi ilova qilinadi.

Foydalanuvchilarning ko‘pchiligi ilova qilingan hujjatlar haqiqiy ekanligiga shubha bildirgan bo‘lsa-da, xabar qizg‘in muhokamaga sabab bo‘ldi. Izoh yozganlarning deyarli barchasi narxlar balandligiga nisbatan norozilik bildirdi. Ba’zilar internet tezligi va aloqa sifati qay darajada bo‘lishiga qiziqib, bu borada turli taxminlar bildirdi.


"Absolyut” tarifida oyiga 150 dollarga O‘zbekiston bo‘ylab cheksiz qo‘ng‘iroq, SMS va internet taqdim etiladi.

Shuningdek, ikkita korporativ tarif ham ishga tushiriladi.

Corp tarifida oyiga 25 dollarlik to‘lov evaziga kompaniya ichida cheksiz qo‘ng‘iroqlar, kompaniya tashqarisida esa 2000 daqiqa, 1000 SMS, shuningdek 800 Mb internet taqdim etiladi.

Corp VIP tarifida esa oyiga 45 dollar evaziga kompaniya ichida cheksiz va kompaniya tashqarisida 5000 daqiqa qo‘ng‘iroq, 2500 ta SMS hamda 1200 Mb internet taqdim etiladi.

Internet-paketlar

UMS ikkita internet-paket joriy qilishi ham ko‘zda tutilgan: 5 dollar evaziga 300 Mb, 10 dollar evaziga 1000 megabaytlik paketlarni yoqtirish mumkin.

Комментарии (9) | Добавить: 28.11.2014
9. ulugbek01 (22.12.2014 20:34)
yoqmadi bulmas ekan!
8. ulugbek01 (22.12.2014 20:33)
e vapwe qimmatu
7. Krasaf4ik_707 (15.12.2014 20:56)
Vapwe ums qimmat
6. umi_1771 (09.12.2014 10:17)
daaxwaat narxlar! ums ochiliwini kutkanlarga olga endi))
5. Abi1ov (02.12.2014 01:55)
1 кадам олдинда миш 1 км олдиндасилар кимматлиги бойича енди Юсеел билайн лархам нархларини котаривормасинда
4. Waw (30.11.2014 22:54)
Bo'miydi ums ko't kampaniya vawi dabdalayu
3. dodiy-media (30.11.2014 01:10)
Oldingisi (MTC) Yaqshi edi....
2. Tarantula (28.11.2014 20:34)
что за .....ц Absolyutning bir oyligi 150 baksov Sumga esa salkam 500 ming да ужж
лучше без коментари
1. Shohruh_9 (28.11.2014 16:41)
Dabdalaku
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]