UMS O‘zbekistonda HSPA+ texnologiyasini ishga tushirdi


UMS mobil aloqa operatori Toshkent shahrida HSPA+ texnologiyasini muvaffaqiyatli ishga tushirgach, jadal internet xaritasini kengaytirdi. Endi operatorning 3G tarmog‘iga ega bo‘lgan O‘zbekistonning barcha mintaqalari unga ulandi.

Yangilik abonentlarda qiziqish uyg‘otdi va bu qiziqish aslo so‘nmayapti. Shu bois, UMS kompaniyasi mazkur texnologiya haqida eng ko‘p tushayotgan savollarga javob beradi. 

HSPA+ o‘zi nima? 
Bu mobil aloqa standarti bo‘lib, ko‘pincha 3,75G yoki 3G+ deb ataladi. U ma’lumotlar jo‘natilishini maqbullashtirish, tarmoqlarning o‘tkazish qobiliyati va sig‘imini oshirish uchun xizmat qiladi. Bunda bitta UMTS chastotasi o‘rniga ikkita chastota ishlatiladi, natijada tayanch stansiya bilan abonentning mobil telefoni orasida ma’lumot to‘plamlarini almashish samaradorligi ikki baravar ortadi. 

Mobil internet tezligi qanchalik o‘zgardi? 
Tegishlicha, erishish mumkin bo‘lgan eng katta tezlik ham ikki baravar oshdi. HSPA+ texnologiyasi joriy etilishi O‘zbekiston mintaqalarida eng katta tezlikni sekundiga 21 megabitga yetkazish imkonini berdi. Yirik shaharda tezlikni shaxsiy testdan o‘tkazish natijasi 2—7 Mb/s bo‘lishi abonent uchun norma hisoblanadi. Lekin ko‘p narsa abonent qayerda turganiga, tarmoqning texnik parametrlariga bog‘liq bo‘ladi. Shu sababli bundanda kattaroq ko‘rsatkichlar kuzatilishi mumkin. 

HSPA+’ning nima foydasi bor? 
Birinchi navbatda, mobil internet faol sessiyalarining sifati oshadi. Masalan, ijtimoiy tarmoqlardagi sahifalar multimediali kontent bilan birga taxminan uchdan bir baravar tezroq yuklanadi. Onlayn video va oqimli ko‘rsatuvlar tomosha qilinayotganda yuklanish sekinlashib, uzoq vaqt kutib qolishlar bo‘lmaydi. Tarmoqda kechikishlar hamda bir servisdan boshqasiga ulanish uchun sarflanadigan vaqt ancha qisqargani sababli, doimiy sinxronlashuvni talab qiladigan onlayn o‘yinlarni o‘ynash osonlashdi. Internet fonli rejimda ishlayotganda tarmoq ilovalari, masalan Facebook yoki "Odnoklassniki”dan xabarlar kelishi endi kechikmaydi, internet bilan doimiy aloqa tuyg‘usi paydo bo‘ladi. 

Qanday ulash mumkin? 
UMS orqali jadal internetdan foydalana boshlash uchun hech qanday qo‘shimcha harakatlar talab qilinmaydi. Barcha abonentlar, ular qanday tarifga ulanganlari va qaysi qo‘shimcha xizmatlardan foydalanayotganlaridan qat’i nazar, HSPA+ texnologiyasidan kecha-yu kunduz uzluksiz foydalanishlari mumkin. Faqat telefon apparatlari shunday texnologiya bo‘yicha ishlay olsa kifoya.

Комментарии (11) | Добавить: 14.08.2015
11. Farrux1992 (17.08.2015 16:07)
Yaxshi narsa qimmat buladi. UMS talablarga mos aloqa operatori. Xoz talab shunaqa
10. FarhodoOygul1 (15.08.2015 21:02)
Beeline.kz QOZOGIZTONDA 990 Тг 10Gb+ beradi 4G Ums qimmat uzb da
9. Xunter (15.08.2015 20:44)
mandan kuniga 9rubl oladi 100mb beradi xar kuni
8. Sher_rap (15.08.2015 10:48)
Zor
7. Sher_rap (15.08.2015 10:48)
Hamma Ums Ga Otip Ketayaptimi
6. jamshid490 (15.08.2015 03:13)
men moskvadaman hamma joyda 4G LTE ili wi-fi masalan oddiy yota sim kartani eng arzon tarifida 250 rubl oyiga to'lab bir oy 128kb/sek tezlikgacha bezlimit ishlatsa bo'ladi qimmat tariflarda tezlik o'sib boradi 750 rubl oylik tarifda tezlik ham cheklanmaydi mb esa hamma tariflarda VIP DARAJADA nimasiga maqtanadi ums
5. bekzod11 (14.08.2015 22:48)
mgbaytniyam narxlarini tuwganida yaxwi bolardi
4. Zoxan (14.08.2015 20:24)
bu asosan internet un qoil yaxwi bubdi. endi oylik mb xajmini owirib narxini kamaytiriwsa yana xam zur bulardi lekin.
3. EMU (14.08.2015 20:03)
Zo'rro'
2. --disser--N_1 (14.08.2015 17:37)
Ums olsamikan belayndan kecib...
1-10 11-11
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]