Vazirlar Mahkamasi 2018 yil hosili uchun shudgorlash ishlari bo'yicha qaror chiqardi

O'zbekiston Respublikasi Vazirlar Mahkamasining “2018 yil hosili uchun shudgorlash ishlarini zarur tarzda tashkil etish va o'tkazish kompleks chora-tadbirlari to'g'risida”gi qarori e`lon qilindi.

Hujjat bilan O'zbekiston Respublikasi Qishloq va suv xo'jaligi vazirligi, "O'zagroservis" aksiyadorlik jamiyatining 2018 yil hosili uchun shudgorlash hajmi va muddatlari bo'yicha Qoraqalpog'iston Respublikasi Vazirlar Kengashi va viloyatlar hokimliklari bilan kelishilgan taklifi ilovaga muvofiq qabul qilindi.

Qoraqalpog'iston Respublikasi Vazirlar Kengashi Raisi, viloyatlar va tumanlarning hokimlari, O'zbekiston Respublikasi Qishloq va suv xo'jaligi vazirligi hamda "O'zagroservis" aksiyadorlik jamiyati rahbarlari zimmasiga quyidagilar yuzasidan shaxsiy javobgarlik yuklandi:

texnika ta`mirlanishini nihoyasiga yetkazish, mashina-traktor parklari va fermer xo'jaliklarining buyurtmanomalari bo'yicha haydov agregatlari uchun ehtiyot qismlarni tayyorlash va yetkazib berish hamda 2017 yil 10 noyabrdan kechiktirmay barcha joylarda shudgorlashni boshlash;

tasdiqlangan agrotexnologiya normalariga muvofiq shudgorlashning zarur chuqurligi va bir tekisligiga, mineral va organik o'g'itlar solinishiga alohida e`tiborni qaratgan holda shudgorlash sifatini ta`minlash.

O'zbekiston Respublikasi Ichki ishlar vazirligi O'zbekiston Respublikasi Bosh prokuraturasi bilan birgalikda shudgorlash ishlarining ushbu qarorga ilovada nazarda tutilgan hajm va muddatlarda olib borilishi ustidan doimiy nazorat o'rnatadi. Hisobotni buzib ko'rsatish va boshqa qoidabuzarlik faktlari aniqlangan hollarda aybdor shaxslarga nisbatan qonun hujjatlarida belgilangan qat`iy javobgarlik choralari ko'riladi.

Qoraqalpog'iston Respublikasi Vazirlar Kengashi va viloyatlar hokimliklari O'zbekiston Respublikasi Qishloq va suv xo'jaligi vazirligi, "O'zagroservis" aksiyadorlik jamiyati hamda “O'zneftmahsulot” aksiyadorlik jamiyati bilan birgalikda quyidagilarni ta`minlaydi:

uch kun muddatda shudgorlashning borishi va sifatini nazorat qiluvchi hududiy komissiyalar tuzish va ularga shudgorlash ishlarini olib borishda har bir tuman bo'yicha xo'jaliklar va mashina-traktor parklarining alohida o'rnak ko'rsatgan xodimlariga birinchi, ikkinchi va uchinchi o'rinlar uchun rag'batlantiruvchi mukofotlar joriy etish huquqini berish;

bir hafta muddatda, yer resurslaridan yanada samarali foydalanishni hisobga olgan holda, tumanlar va xo'jaliklar bo'yicha shudgorlashni o'tkazish jadvallarini ishlab chiqish va tasdiqlash;

texnika va ustaxonalarning ikki smenada to'laqonli ishlashini tashkil qilish, shudgorlash ishlarida qatnashayotgan mexanizator xamda operatorlarga maishiy va boshqa zarur shart-sharoitlarning butun kompleksini yaratish;

shudgorlash ishlarini o'tkazish uchun haydov traktorlari va ko'chma ta`mirlash ustaxonalarini jalb etish bo'yicha mintaqalarda joylashgan sanoat, qurilish tashkilotlari va boshqa tegishli tashkilotlar bilan belgilangan tartibda shartnomalar tuzish;

fermer xo'jaliklari va mashina-traktor parklari buyurtmanomalariga asosan ehtiyot qismlarni yetkazib berish, shuningdek, ko'chma ta`mirlash ustaxonalarining uzluksiz ishlashini ta`minlash.

"O'zkimyosanoat" aksiyadorlik jamiyati “O'zagrokimyohimoya” aksiyadorlik jamiyati shudgorlash ishlarini o'tkazish davrida mineral o'g'itlar belgilangan tartibda solinishini ta`minlaydigan muddatlarda respublikaning barcha mintaqalariga o'gitlar tuzilgan shartnomalarga muvofiq bir maromda yetkazib berilishini ta`minlaydilar.

"O'zneftmahsulot" aksiyadorlik kompaniyasi yonilg'i-moylash materiallarining zarur zaxirasini yaratsin hamda ularni shudgorlashda ishtirok etuvchi mashina-traktor parklari, qishloq xo'jaligi korxonalari va boshqa tashkilotlarga belgilangan tartibda uzluksiz yetkazib berilishini tashkil qiladi.

Mazkur qarorning bajarilishini nazorat qilish O'zbekiston Respublikasi bosh vazirining o'rinbosari - O'zbekiston Respublikasi Qishloq va suv xo'jaligi vaziri Z.Mirzayev va O'zbekiston Respublikasi bosh vazirining o'rinbosari — “O'zagrotexsanoatxolding” aksiyadorlik jamiyati boshqaruvi raisi N.Otajonov zimmasiga yuklandi.


Комментарии (0) | Добавить: 10.11.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]
MP3 va KLIP Izlash

«Новости»

La Liga. "Real" safarda qiyin g'alabaga erishdi
Dunyodagi eng ulkan oltin koni
Chilim va elektron sigaretlarni qonun yo'li bilan taqiqlash vaqti yetmadimikan?
«Kerak bo'lsa stolbani ham olib borib qamardi». Prezident yana MXXning kirdikorlari haqida gapirdi
Messi yana bir ko'rsatkich bo'yicha «Real» futbolchisi rekordini yangiladi
Tramp «ruslar bilan band bo'lgan» FQBni jiddiy aybladi
Kim Chen Inning rafiqasi haqidagi ma’lumotlar
Япониялик аёл фарзандини видео ўйинлардан ҳимоя қилиш йўлини ўйлаб топди
“Ичкарида”ги Селал — Четин Текиндор
Umid Ahmadjonov: “Futbolchi o'z ustida ishlashi shart, aks holda unga litsenziya berilmaydi”
Moskvada 2021-yilgacha 50 ta yangi metro bekati ochiladi
“O‘zbekneftegaz” va Jizzakh Petroleum Ai-95 narxini o‘zgartirdi
O‘zbekistonda 8000 dan ziyod giyohvand bemor ro‘yxatda turadi
AQShda boshpanasizlar sovuqda qanday jon saqlaydilar?
Adliya organlarining moddiy-texnika bazasi yanada mustahkamlanadi
1 martdan boshlang'ich sinflarni 5 kunlik o'qishga o'tkazish rejalashtirilmoqda
Davron Kabulov "Million"ning yangi a'zosini tanishtirdi
“Sevgi iztirobi” efirdan olib tashlandi
Shavkat Mirziyoev Kogondagi harbiy qismda sharoitlarni ko'zdan kechirdi
«Chimyon» hududida ko'chki xavfi e`lon qilindi
Roman Abramovich Telegram'ga 300 mln dollar sarmoya kiritdi
Shavkat Mirziyoyev Buxoro shahridagi Yoshlar markaziga bordi
MIB plastik kartochkadan pul yechib olishi uchun sud qarori kerakmi?
«Mafiya davlati» - Saakashvili
Rossiyada «YouTube»ning ishlamasligiga birgina belgi sababchi bo‘lmoqda
Shavkat Mirziyoyev: Buxoroda 90 ming ish o‘rni yaratiladi
Coca-Cola’ning daromadi 5 marta tushib ketdi
Buxoroda baliqchilikni rivojlantirishga 100 milliard so‘m ajratiladi
MIBga qarzdorlarning plastik kartochkasidan pul yechib olish huquqi berildi
Avtomobillar oldi-sotdi shartnomasini tasdiqlaganlik uchun notarial to‘lov arzonlashdi