"VIA GRA" O'Z FAOLIYATINI YAKUNLAYDI

27.11.2012

2204

2013 йил 1 январдан "ВИА Гра" поп-гуруҳи ўз фаолиятини якунлайди. Бу ҳақда НТВ каналининг "Центральное телевидение” кўрсатувига берган интервьюсида жамоа продюсери Константин Меладзе маълум қилди.

Унинг сўзларига кўра, гуруҳ фаолияти давомида унинг продюсерлик ишланмалари ва усуллари тугаган. Меладзе ҳар хил гап-сўзлардан қочиш мақсадида лойиҳа ёпилаётгани ҳақида шахсан ўзи эълон қилишга қарор қилганини ҳамда нафақат таркибнинг ўзи, балки маъмурий штат ва мусиқачилар ҳам тарқатиб юборилишини қайд этди.

Шунингдек, продюсер жамоанинг ҳозирги яккахонлари Альбина Жанабаева ва Ева Бушмина олдиндан бунга тайёр бўлишларига қарамасдан лойиҳа ёпилаётганини эшитиб, хафа бўлишгани ва, ҳатто, кўзларига ёш олишганини ҳам айтиб берди.

"ВИА Гра" гуруҳи 1999 йили ташкил этилган. Гуруҳ ҳисобида 5 та студияда ёзилган альбом бор бўлиб, уларнинг учтаси Россиянинг расмий мусиқа чартларида биринчи ўринларни олган. Гуруҳ таркиби бир неча бор ўзгарган, жамоада жами 13 нафар хонанда фаолият кўрсатган.