Ўзбекистонда ғалла сифатига янги талаблар тасдиқланди

12.04.2016

930

Ўзбекистонда бошоқли ўсимликларнинг хавфсизлиги бўйича янги техник регламент тасдиқланди, деб хабар бермоқда Ўзбекистон Вазирлар Маҳкамасининг 2016 йил 31 мартдаги қарорига иқтибос келтирган ҳолда Review.uz нашри.

Хавфсизлик талаблари қаттиқ ва юмшоқ буғдой, арпа, макка, тариқ, жавдар, сули, гуруч, гречка, сога, тритикале (жавдар ва буғдой гибриди), дуккакли ўсимликлар – нўхат, ясмиқ (чечевица), бурчоқ, маҳаллий нўхат, ловия, мош, бўрилуккак, хашаки дуккакли ўсимликлар, вика, шунингдек, мой олинадиган ўсимликлар – кунгабоқар, соя, махсар, рапс, ғўза, зиғир, ёрёнғоқ, кунжут, ханталга тегишлидир.

Ҳужжат билан озиқ-овқат ва ем-хашак учун мўлжалланган ғалладаги заҳарли моддаларнинг йўл қўйиладиган чегаравий даражалари, пестицидлар, радионуклидлар миқдори, зараркунандалар билан зарарланганлиги, зарарли аралашмаларнинг миқдори, ўрамга санитар-гигиеник талаблар ва бошқа кўрсаткичлар белгилаб берилган.

Ўзбекистоннинг қишлоқ хўжалиги умумий ҳажмида бошоқли ўсимликлар ва ғўза етиштирилиши 80 фоиздан кўпроқни ташкил қилади. Ўзбекистон Давлат статистика қўмитаси дастлабки маълумотларига кўра, 2015 йилда брача тоифадаги хўжаликларда қишлоқ хўжалиги ўсимликлари экилган ер майдони деярли 3,7 млн гектарни эгаллаган.

Ўтган йили Ўзбекистонда 8 млн тоннадан кўпроқ бошоқли ўсимликлар, жумладан 7 млн тонна буғдой етиштирилган.

2015 йилда етиштирилган пахта хом ашёси ҳажми 3,36 млн тоннани ташкил қилган.