«Ўзбекнаво» эстрада бирлашмаси 3 нафар хонанданинг лицензиясини тугатди

19.07.2016

1949

«Ўзбекнаво» эстрада бирлашмаси Ситора Фармонова, Сарвар Азимов ва Комил Фозиловнинг лицензиясини 2016 йил 19 июлдан тугатди.

"Лицензиатлар Ситора Фармонова, Сарвар Азимов ва Комил Фозилов (Сарвар ва Комил) томонидан Лицензия битимида назарда тутилган талаб ва шартлар мунтазам равишда бузилганлиги сабабли, ушбу хонандалар номига берилган лицензияларнинг амал қилиш муддати “Фаолиятнинг айрим турларини лицензиялаш тўғрисида”ги Ўзбекистон Республикаси Қонунининг 23-моддаси ҳамда Ўзбекистон Республикаси Вазирлар Маҳкамасининг 2015 йил 9 декабрдаги 354-сон Қарорига асосан   2016 йил 19 июлдан тугатилганлиги билдирамиз.

Ўзбекистон Республикаси қонунлари ва Вазирлар Маҳкамаси қарорлари талабини бажариш ҳар бир хонанда ва санъаткорнинг бурчидир", дейилади «Ўзбекнаво» эстрада бирлашмаси матбуот хизмати хабарида.