Xavfsizlik talablari tufayli Tramp o‘zining Android smartfonidan voz kechishga majbur bo‘ldi

AQSh prezidenti Donald Tramp inauguratsiya marosimidan oldin o‘zining Android-telefonidan foydalanishni to‘xtatib, Maxfiy xizmat tasdiqlagan himoyalangan smartfonga almashtirishiga to‘g‘ri keldi. Bu haqda TJournal xabar bermoqda.

Associated Press manbasiga ko‘ra, Trampni avvalgi smartfonidan voz kechishga xavfsizlik xizmati majbur qilgan. U oldin qanday telefon tutgani aniq ma’lum emas, biroq OAV Samsung Galaxy versiyalaridan biri ekanligini taxmin qilgandi. Maxfiy xizmat tasdiqlagan yangi gadjetning modeli va xususiyatlari oshkor etilmagan.

The New York Times Tramp yangi smartfondan tashqari cheklangan kishilarga ma’lum bo‘lgan yangi telefon raqami ham olishini bildirdi. Oldin milliarder bilan bog‘lanish oson edi, uning shaxsiy raqami ko‘plab jurnalistlar, siyosatchilar va shou-biznes vakillarida bo‘lgan.


Комментарии (0) | Добавить: 21.01.2017
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]