Xitoy janubi-g‘arbida tosh qulashi oqibatida 5 kishi halok bo‘ldi

23.04.2016

731

Xitoyning janubi-g‘arbidagi Sichuan provinsiyasida sodir bo‘lgan tosh qulashi besh kishining halok bo‘lishiga olib keldi. Bu haqda “TASS” xabar bermoqda.

Yana 10 kishi jarohat olgani bildirildi.

Voqea Yaan shahar okrugining Tyansyuan uyezdidan o‘tgan shosse uchastkasida ro‘y berdi. To‘rtta avtomobil tog‘dan qulagan ulkan toshlarning ostida qolib ketdi.

Jarohat olganlar shifoxonaga yotqizildi. Trassada mashinalar qatnovi to‘xtatib qo‘yildi. Voqea joyida ish olib borayotgan qutqaruvchilarning xatti-harakatlarini bevosita Yaan meri boshqarmoqda.