«Yandeks. Taksi» O'zbekistonda ish boshladi

04.04.2018

1560

Rossiyadagi eng yirik taksi xizmatlaridan biri «Yandeks. Taksi» O'zbekistonda ish boshladi.

O'zbekistonlik foydalanuvchilar App Store va Google Play’dan «Yandeks. Taksi» ilovasini yuklab olishlari hamda o'z profillarini tashkil qilishlari mumkin. Ayni damda servisdan Toshkentda foydalanish imkoni bor.

Tizimda hozir 10ta hamkor-taksoparkdan bo'lgan 200dan ortiq avtomobillar bor. Kutilishicha, yaqin vaqt ichida mashinalar soni ortadi.

«Yandeks. Taksi» servisi O'zbekistondan bo'lgan foydalanuvchilarga «Ekonom» tarifini taklif etmoqda. Safar uchun minimal narx 3 kilometrga 2 ming so'mga teng. Keyinchalik har bir kilometr uchun 1 ming so'm olinadi. Shu bilan birga, shahar tashqarisidagi harakatlanish bir kilometrga 1,5 ming so'mni tashkil qiladi.

Foydalanuvchilar hozircha plastik kartani servisga bog'lash imkoniga ega emaslar, biroq ular bonuslar olishi mumkin. Servis vakillarining bildirishicha, yaqin vaqt ichida to'lovni plastik kartalar va to'lov tizimidan foydalangan holda amalga oshirish imkoni paydo bo'ladi.