Yangi Samsung Galaxy S7 smartfoni chiqariladigan taxminiy sana ma'lum qilindi

Janubiy Koreyaning nufuzli SK Securities firmasi tahlilchilari Samsung kompaniyasining navbatdagi flagman smartfoni chiqarilishining taxminiy sanasini ma'lum qildidar. Dastlabki ma'lumotlarga ko'ra, smartfonlar 2016 yilning yanvaridayoq omma e'tiboriga havola etilishi, savdoga esa fevralda chiqarilishi mumkin.

Bu avvalgi Samsung Galaxy S6 va S5 smartfonlarining savdoga chiqarilishi sxemasidan biroz farq qiladi. Ushbu smartfonlar MWC ko'rgazmasida fevral oxiri-mart boshida namoyish qilinib, aprelda sotuvga chiqarilgan edi.

Samsung Galaxy S7 ikkita – yassi displeyli SM-G930 va ikkita yon tomoniga egilgan displeyli SM-G935 versiyada chiqarilishi kutilmoqda. Shuningdek, smartfonlarning Exynos 8890 va Qualcomm Snapdragon 820 protsessorlariga ega variantlari ham chiqarilishi mumkin. Smartfonlarda 20 Mpli, ISOCELL sensoriga ega ikkilangan kamera ishlatilishi aytilmoqda.