Yaponiya sun'iy yo'ldoshi Xitoy, Hindiston va AQSh shaharlari atrofida metan me'yoridan ortiq to'planayotganini qayd qildi

Yaponiyaning “Ibuki” metereologik sun'iy yo'ldoshi Xitoy, Hindiston va AQShning yirik sanoatlashgan shaharlari atrofida bug' gazlaridan biri bo'lmish metan me'yoridan ortiq to'planayotganini qayd qildi. Bu haqda Tokyo Shimbun gazetasi xabar qildi.
Tadqiqot natijalari Parijda iqlim o'zgarishi bo'yicha o'tadigan COP-21 konferentsiyasining ochilishidan bir necha kun oldin e'lon qildi.
Atrof muhitni himoya qilish vazirligi va atrof muhit tadqiqotlari milliy instituti yo'ldosh tomonidan 2009 yil avgustidan 2012 dekabrigacha yuborilgan ma'lumotlarni tahlil qilib, shuning asosida metanning eng katta kontsentratsiyasi – 81 ppb Xitoyning umumiy aholisi 22 mln kishini tashkil qiladigan Chendu va Chuntsin shaharlari atrofida ekanligini aniqladi.
Bunda yirik botqoqliklar va o'rmon yong'inlari hududlari inobatga olinmadi.
Ikkinchi o'rinda Pokistondagi Lahor 58.1 ppb ko'rsatkichi bilan turibdi. Undan keyingi pog'onalarda Kalkutta (Hindiston, 54 ppb), Dakka (Bangladesh, 54 ppb), Los-Anjeles, San-Frantsisko (AQSh, 33.7 ppb), Nyu-York, Pittsburg (AQSh, 22 ppb) shaharlari turibdi. Ushbu ro'yxatga kirgan Rossiyaning yagona shahri Surgut bo'ldi, uning havosidagi metan kontsentratsiyasi 35 ppb’ni tashkil qildi.


Комментарии (0) | Добавить: 29.11.2015
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]