Yer orbitasiga sayohat narxi 30–40 mln dollar turishi ma’lum bo‘ldi

Kosmik turistlarning Yer quyi orbitasiga sayohati uchun bitta o‘rin narxi 30–40 million dollarni tashkil etishi mumkin. Bu haqda Rossiyaning “Roskosmos” davlat korporatsiyasi rahbari Igor Komarov CNBC telekanaliga bergan intervyusida ma’lum qildi.

“Fazodagi birinchi turistlarga aylanishni istaydigan badavlat shaxslar ro‘yxati mavjud. Quyi orbital parvozdagi bitta o‘rin 30–40 million dollar turadi. Buning uchun da’vogar bir yil davomida tibbiy testlar va zaruriy tayyorgarlikdan o‘tishi lozim bo‘ladi”, — uning so‘zlarini keltiradi “Interfaks”.

Aytilishicha, kelajakda turistlar dam olish kunlarini Oyda o‘tkazishi mumkin bo‘ladi, negaki Yevropa kosmik agentligi Rossiya, AQSh, Xitoy, Hindiston va Yaponiya bilan hamkorlikda doimiy Oy bazalarini qurishni rejalashtirmoqda.

Bugungi kunga qadar yetti nafar turist orbitaga chiqdi. Ularning bari Rossiyaning “Soyuz” kosmik kemalarida orbital parvozlarni amalga oshirdi.


Комментарии (0) | Добавить: 16.06.2016
Faqat ro'yhatdan o'tgan foydalanuvchilar izoh qoldirishi mumkin. Marhamat ro'yhatdan o'ting!
[ Регистрация | Kirish ]