Yevropada ilk marta rasmiy o'yinda videotakror asosida hakam futbolchini chetlatdi

22.09.2016

1477

Niderlandiya kubogi doirasida Amsterdamning «Ayaks» va Tilburgning «Villem II» jamoalari uchrashuvida videotakrordan foydalanildi. Bu Yevropada bu tehnologiyadan foydalanilgan ilk rasmiy o'yin bo'ldi.

Uchrashuv «Ayaks» hisobiga 2:0 bo'lib turganida «Villem II» futbolchisi Anuar Kali qo'pollik uchun sariq kartochka oldi. Lekin videotakrorlarga javobgar bo'lgan mahsus hakam bosh hakam Danni Makkeliga signal berib, bu harakat uchun qizil kartochka berilishi lozimligini bildirdi va hakam bu qarorni qabul qildi.

Kali maydondan chetlatilgach, «Villem II» yana 3ta gol o'tkazib yubordi.

Videotakrordan foydalaniladigan ikkinchi uchrashuv ham Niderlandiya kubogi doirasida, «FeyYenoord» va «Oss» jamoalari o'rtasida bo'lib o'tadi.