2015 yil 20 avgust kuni Toshkent shahridagi sobiq "Ona va bola” tibbiyot markazi yaqinida yo'lovchi avtobusi ishtirokida ro'y bergan yo'l harakati hodisasi oqibatida ikki qiz hayotdan ko'z yumgan edi. Ularning ota-onasi va yaqinlari adolat yuzaga chiqib, aybdorlar o'z jazosini olishiga umid bildirmoqda.
Gazeta.uz internet nashrining ma'lum qilishicha, baxtsiz hodisa soat 20:50da Buyuk ipak yo'li va Sho'rtepa ko'chalari o'rtasida joylashgan dahada do'kondan shirinlik xarid qilib qaytayotgan Еlane, Madina va Yuliya ismli qizlar bilan sodir bo'lgan. Yo'lni ikki qismga ajratib turgan chiziqlar ustida avtoulovlar o'tishini kutib turgan Еlane va Madinani katta tezlikda boshqa avtobusni quvib o'tishga uringan ISUZU rusumli avtobus haydovchisi urib yuborgan. Aslida esa ushbu ko'chada boshqa transport vositalarini quvib o'tish taqiqlangan bo'lgan.
Guvohlarning aytishicha, hodisadan so'ng ko'chaga konfetlar sochilib ketgan.
Bu
erda piyodalar o'tish yo'li juda uzoq masolarda joylashgani uchun aholi
tez-tez ko'chani ko'kalamzor hududlar orqali kesib o'tadi. Haydovchilar
esa ko'p hollarda yo'l harakati belgilarini inkor etib, tezlikni
oshiradi, boshqa transport vositalarini quvib o'tishga urinadi.
O'z dugonasini avtobus g'ildiraklari ostida qolmasligi uchun uringan Madina hodisa joyining o'zida hayotdan ko'z yumgan, Alena esa TTZ mavzesidagi Respublika ilmiy jarrohlik markazida uning hayotini saqlab qolishga uringan shifokorlar qo'lida jon bergan.
Hodisaga guvoh bo'lgan uchinchi qiz — Yuliya esa ayni paytda asabiy shok holatida.
Madina
poytaxtdagi 120-umumta'lim maktabini tugatib, Aloqa kollejiga qabul
qilingan edi. Еlane bo'lsa Mirzo Ulug'bek informatika kasb-hunar
kollejini tamomlab, Milliy universitetga kirish uchun imtihonlarni
topshirgandi. Ularning yoshi 16 va 19da edi, deyiladi xabarda.
Hodisani sodir etgan avtobus haydovchisi qo'lga olinib, unga nisbatan O'zbekiston Respublikasi Jinoyat Kodeksining 266-moddasi (Yo'l harakati qoidalarini yoki transport vositalaridan foydalanish qoidalarini buzish) bo'yicha jinoiy ish qo'zg'atilgan.
Qizlarning qarindosh va yaqinlari adolat qaror topishi va haydovchiga tegishli jazo berilishiga umid bildirishmoqda. Ular vafot etgan joydagi daraxtlarga esa qizil gul shoxchalari ilib qo'yilgan.
"Biz bu ma'lumotlarni tergov jarayoniga bosim o'tkazish uchun emas, balki boshqalarga to'g'ri xulosa chiqarishlari uchun taqdim etmoqdamiz”, deyiladi xabarda.