Жинси шимлар қандай танланади: эркаклар учун қўлланма

03.06.2016

3902

Бугун дўконларга кирганимизда skinny, slim, jeggings, boot cut каби ҳар хил турдаги жинсиларни учратишимиз мумкин. Бу кийим тури кўринишидан гардеробнинг оддий бир қисмига ўхшайди, аммо биз уни танлаётганда эътибордан қолдирилган томонлар ҳам бўлади. Шу сабабли эркаклар учун жинси шимларни тўғри танлаш бўйича керакли маслаҳатларни бериб ўтамиз. 

•  Классик вариант — стандарт бичимдаги жинсилар (regular straight) деярли барчага турли хил пойабзал ва кийимлар билан тўғри келади.
•  Яхши қомат эгалари учун энг мос вариант бу озгина тор ва тўғри бичимдаги (slim straight) жинсилар ҳисобланади. Бундай жинсилар классик услубни хуш кўрувчилар учун ҳам яхши танлов ҳисобланади. 

•  Энг қулай вариант бу узун ва оддий оёқлар учун relaxed straight ёки калта оёқлар учун кенгайтирилган relaxed boot cut туридаги жинсилар ҳисобланади.   

•  Оғир вазндаги эркаклар ёки классик услубдан кўра бошқа турдаги жинсиларни хоҳловчилар учун қопсимон кенг услубдаги жинсиларни (loose) кийиб кўришлари мумкин. Лекин бундай услубдаги жинсилар учун кийимингизнинг бошқа қисмларини уларга мослаштиришингизга керак бўлади. Албатта бундай услуб барча вазиятлар учун ҳам тўғри келавермайди. Бундай турдаги жинсилар билан театр ва иш юзадан бўлиб ўтадиган суҳбат учун бориб бўлмайди.

Озғин қоматга эга бўлганлар учун ёпишиб турадиган жинсилар (skinny) яхши танлов ҳисобланади. Таъкидлаш керакки, бундай услубдаги жинсилар сизни “мард ва жасур” қилиб кўрсатмайди. 

Шунингдек, жинсиларни танлашда икки қоидани эсда тутиш лозим: биринчи қоида, бу - дресс-код. Яъни атрофдагилар томонидан услуб қабул қилинганми ва у сиз учун қулайми, шу ҳақида ўйлаб кўринг. Иккинчи қоида, энг муҳими ўз услубингиз.