“Zo’r TV” 1 fevraldan ish boshlaydi

27.01.2017

2642

“Футбол ТВ”, “Караван ТВ” ҳамда “Zo’r TV” деб ном олган телеканаллар аллақачон лицензия олиб бўлган. Маълумотларга қараганда, “Футбол ТВ” “UzReport” телеканали қошида, “Караван ТВ” эса “MY5” телеканали қошида ташкил этилмоқда.

Уч телеканал орасида биринчи бўлиб ўз ишини “Zo’r TV” бошлаши кутилмоқда. Анчадан буён теледастурларни суратга олиб келаётган телеканал эфирларини 1 февралдан бошлаш режалаштирилмоқда.

Тасдиқланмаган маълумотларга қараганда, телеканал “Водий садоси” радиоси ҳамда “Artel”, “Imzo” ширкатлари раҳбарияти муассислигида ташкил этилган.

Узунқулоқ гапларга қараганда, Ўзбекистонда бир вақтлар фаолияти тугатилган хусусий телеканаллар ва журналлар ходимлари, телебошловчилар ва журналистлар “Zo’r TV”га ишга қабул қилинган. Асосан кўнгилочар кўрсатувларни эфирга узатишни режаллаштирган телеканалнинг бош режиссёрлик вазифаси эса хонанда Жаҳонгир Позилжоновга ишониб топширилган.