Британ махсус хизмати твитерда Жеймс Бонд учун очилган аккаунтни ўқий бошлади

16.05.2016

996

Буюк Британия ҳукумат алоқалари бошқармаси (GCHQ) твиттердан аккаунт очди ва Жеймс Бонд учун очилган аккаунтни "фоллоу" қилди. Бу ҳақда Mashable хабар берган.

GCHQ директори Эндрю Пайкнинг айтишича, твиттерда аккаунт очилиши орқали марказ Буюк Британия фуқароларини ўз фаолияти билан таништириб бориши мумкин бўлади.

Нашрнинг таъкидлашича, GCHQ бу орқали Эдвард Сноуден билан боғлиқ можаролардан кейин пайдо бўлган шубҳалардан фориғ бўлмоқчи ва жамиятнинг ишончини қозонмоқчи.

Financial Times нашри хабарига кўра, твиттердан аккаунт очиш қарори агентлик ичида ўтказилган муҳокамалардан кейин қабул қилинган. Бу аккаунтнинг илк твити "Салом, дунё" кўринишида ёзилган.

Бу аккаунт Жеймс Бонддан ташқари, инглиз сиёсатчилари, маданият оламининг таниқли вакиллари ҳамда инглиз нашрларининг твиттердаги аккаунтларига обуна бўлган. Бир неча соат ичида бу аккаунт ўқувчилари сони 16 минг нафарга яқинлашган.