Makron Putinning oldida rus jurnalistlarini josuslik va propagandada aybladi

30.05.2017

951

Fransiya prezidenti Emmanuel Makron rossiyalik hamkasbi bilan uchrashganidan so'ng o'tkazgan matbuot anjumanida rossiyalik jurnalistning «Nega saylov shtabiga Russia Today qo'yilmaganligi» xususidagi savollariga javob berdi.

«RT France» muxbiri Kseniya Fyodorova savolni Suriyadagi vaziyat haqida boshlab turib, so'ngra quvlik bilan rossiyalik jurnalistlarning Fransiyadagi saylov kampaniyasini yoritishdagi ishtirokiga cheklovlarga burib yubordi:

«Sizning saylovoldi shtabingizga kirish uchun ruxsat tegishida rossiyalik jurnalistlarda ma`lum bir qiyinchiliklar bo'ldi. Buni izohlay olasizmi? Xorijiy jurnalistlar bilan kelgusida munosabatlaringizni qay tarzda o'rnatmoqchisiz?».

Emmanuel Makron:

- Savolning keyingi qismiga javobdan boshlay qolay. Bizning xorijiy jurnalistlar bilan munosabatlarimiz, agar ular chindan ham jurnalist bo'lishsa — ajoyib tarzda qurilgan. 

«Russia Today» va «Sputnik» — bular ta`sir etish qudratiga ega agentlar hisoblanadi, shu sababli ularni o'zimning saylovoldi shtabimga qo'shmadim. Barcha xorijiy jurnalistlar, jumladan ruslarnikida ham mening ma`muriyatim bilan aloqada bo'lish uchun teng imkoniyat bor. Lekin hamma OAV ham o'zini bu tarzda tutmaydi.  

«Russia Today» va «Sputnik» o'zini propaganda tarqatuvchi, ta`sir etishga urinuvchi agentlar sifatida tutishadi, bunga esa aslo toqat qilib bo'lmaydi.

Qayd etish kerakki, bu so'zlarni aytayotgan vaqtda Rossiya prezidenti Vladimir Putin uning yonida turgandi.