O'zbekiston Germaniyaga to'qimachilik mahsulotlari va meva etkizib beradi

O'zbekiston korxonalari Germaniyaga to'qimachilik va kimyo sanoati mahsulotlari va meva eksport qilmoqchi, deb xabar berdi "Jahon” AA. 

Bu haqida Toshkentda bo'lib o'tgan Germaniya – O'zbekiston ishbilarmonlar kengashida e'lon qilindi. Uchrashuvda Germaniyaning 50dan ortiq korxonasi vakillari qatnashdi.

Germaniya biznes tuzilmalari vakillari O'zbekiston bilan hamkorlikning istiqboli katta ekanligini ta'kidlashdi. CLAAS kompaniyasi boshqarmasi vakili Yan Morning so'zlariga qaraganda, Germaniya delegatsiyasining tashrifi – o'zaro manfaatli hamkorlikni rivojlantirish belgisidir.

Morning so'zlariga qaraganda, Germaniya delegatsiyasi Toshkent Xalqaro Sarmoya forumi boshlanishini sabrsizlik bilan kutmoqda. Ushbu forum uzoq muddatli hamkorlikni yo'lga qo'yishga yordam beradi.

O'tgan yil mobaynida Germaniya bilan savdo-sotiq 16 foizga oshib, 685 millionni tashkil qildi. Ushbu ko'rsatkich 2015 yilning hozirgi davriga qadar 400 millionni tashkil qildi. Oxirgi 15 yil davomida Germaniya O'zbekiston iqtisodiyotiga 800 million dollar sarmoya kiritdi.