Smartfonni to'g'ri quvvatlantirishni o'rganamiz

10.10.2016

2189

Батарея тўлиқ ўчганидан сўнггина уни қувватлантириш аккумулятор учун зарарли

Телефонни қандай қувватлантириш керак? Батарея қуввати узоқ сақланиши учун бу амални қандай бажариш лозим? Мана шу каби саволлар деярли барча смартфон фойдаланувчиларини ўйлантиради. Ахир, смартфондан узоқ вақт фойдаланиш учун унинг батарея қуввати кучли бўлиши керак. 

Cadex  аккумуляторларининг яратган Battery University компаниясининг сайтида аккумуляторларни тўғри қувватлантириш бўйича тўлиқ маълумотлар пайдо бўлди

Мақолани ўқиб чиқиб, аккумуляторларни тўғри қувватлантириш юзасидан шу пайтгача биз амал қилган қоидаларнинг тўғри ёки ноўрин эканлигини билиб олишингиз мумкин. 

Баъзилар батарея тўлиқ ўчганидан сўнггина уни қувватлантириш мумкин деб ҳисоблайди. Аслида эса бундай йўл тутиш аккумуляторга ўта зарарли. Мазкур қоида 15 йил аввал яъни портатив электроникага никель аккумуляторлар қўйилган пайтда долзарб эди. Ҳозир эса уларни литий-ионли батареяларга алмаштиришди, улар эса бутунлай бошқа хусусиятларга эга. 

1.  Батареяни тонггача электрга уланган ҳолда қолдириш мумкинми?

Биз кўпинча телефонимизни ухлашдан аввал қувватлантиришга қўямиз ва уни тонгга қвадар қолдирамиз.  Бу нотўғри. Бундай ҳоллардар телефон батареяси уч соатда қувватланиб бўлади. Қолган соатларда эса қувватлантирувчи мослама смартфоннинг қувватини 100 фоиз сақлаб қолиш учун уни яна қувватлантиришда давом этади. Бу эса батареяда “стресс” ҳолатини келтириб чиқаради ва унинг максимал қувватини пасайтиради. 

Мунтазам бу амални давом эттиираверсангиз смартфон тезда қувват оладиган бўлиб қолади. 

“Батарея қувватланиб бўлганидан сўнг уни эдектрдан узинг.   Буни машғулотлардан сўнг дам олишни истайдиган мушаклар билан таққослаш мумкин. Дам олиш эса мушаклар оғримаслиги учун зарур”,— дейди мутахасислар.

2.  100 фоиз қувватнинг ортидан қувманг. 

Литий-ионли батареяларни 100 фоиз қувватлантириш шарт эмас. 

“Литий-ионли батареяларни тўлалигича қувватлантириш шарт эмас. бунга зарурат йўқ. Яхшиси, акумуляторни ортиқча босимдан ҳитмоя қилиш учун уни тўлалигича қувватлантирмаслик керак”,—деб таъкидлайди мутахасислар. 

3.  Имкон қадар тез-тез қувватлантиринг.

Шундай қилиб, смартфон батареяси сизга узоқ муддат хизмат қилиши ва тезда чарчаб қолмаслдиги учун уни кун давомида бир неча марта қувватлантиринг.

Бу ишни автомобилда кетаётганда ёки офисда ҳам қилиш мумкин. 

Масалан, ҳар сафар тўлалигича қуввати тугаганидан сўнг 100 фоизгача қувват олиб, литий-ионли батарея қувватнинг атиги 500 циклини ушлаб тура олади.  

Мунтазам раившда қувватлантириладиган смартфон эса батарея қувватини 1500 циклгача ушлаб тура олади.

Мутахасисларнинг таъкидлашларича, батарея ҳаётини максимал даражада сақлаб туриш учун уни мунтазам равишда 40-80 фоиз қувватда ушлаб туриш керак. 

Агар сиз смартфондан маълум муддат фойдаланмасангиз, уни 50 фоизгача қувватлантирсангиз, бас. 

4.  Ҳаво ҳароратини назорат қилинг.

Турли ҳаво ҳарорати ҳам батареяга таъсир кўрсатади. Масалан, иссиқда батарея ўз қувватини тезда йўқотади.   

Шунинг учун ҳам ёзнинг жазирамасида смартфонни салқин жойда сақлаш керак. Айниқса унинг машинада қолиб кетмаслигини таъминланг. Қишда ҳам худди шунингдек аккумулятор совиб кетмаслигини таъминланг. Уни куртканинг ташқи чўнтагида олиб юрмаслик тавсия этилади.

Ноутбукларни эса махсус ҳаво ўтказувчи ғилофларда сақлаган маъқул.

5.Смартфонни бир ойда бир марта тўлиқ ўчириб, тўлиқ қувватлантиринг.

Юқорида айтиб ўтилган маслаҳатларга қарамай, литий –ионли батареяларни ҳам бир ойда бир марта тўлиқ 0 фоизгача ўчириб, уни тўла қувватлантириш керак. Бу ҳаракат бир ойда бир марта амалга оширилиши лозим.