Туркияда TRT телерадиокомпаниясининг 42 журналисти ҳибсга олинди

14.08.2016

1007

Туркияда яна 40дан ортиқ журналист мамлакатдаги ҳарбий давлат тўнтаришига уринишга алоқадорликда гумон қилиниб, қўлга олинган. Hurriyet агентлиги журналистлар ассоциациясига асосланиб берган хабарга кўра, TRT телерадиокомпанияси ходимлари исёндан кейин бошланган ялпи тозалаш тадбирлари доирасида қўлга олинган.

Ассоциация хабарига кўра, айни вақтга келиб ҳибсга олиш учун ордер берилган журналистлар сони 100дан ортди.

Platform for Independent Journalism (P24) ташкилоти маълумотига кўра, Истанбулда 11 август куни TRT ходимларидан 42 нафари ҳамда Zaman газетаси мухбири Айченур Парилдак қўлга олинган. Қўлга олинган тележурналистлар орасида бошловчилар ҳам борлиги айтилган.